Cтуденттер үйінде тұруға өтінім

Студенттер үйіндегі орындар тұрғын үйге мұқтаж адамдарға – ҚР шалғай облыстарынан және өңірлерінен келген немесе шетел азаматтарына бөлінеді (университеттің толық оқу мерзіміне арналған ішкі гранттарының иегерлеріне жатақхана орыны бөлінбейді). Студенттер үйіндегі орындар 1–2 курс студенттерінің демалысын есепке алмағанда, белгілі бір академиялық кезеңге беріледі.

Жатақханадағы орындар конкурстық негізде арнайы құрылған комиссия арқылы бөлінеді.

Конкурстық комиссия негіздемелер мен кезектілікті ескере отырып жатақханадағы орындарды бөлуді келесі басым тәртіппен жүзеге асырады:

• жетім балалар;
• мүгедектігі бар адамдар (I және II топтар);
• мемлекеттік білім беру гранты бойынша оқуға түскен студенттер;
• көп балалы отбасылардан шыққан студенттер;
• академиялық ұтқырлық шеңберінде алмасу бойынша білім алушылар;
• университеттің ғылыми және қоғамдық өміріне белсенді қатысатын үлгерімі жақсы студенттер.