Гранттар мен жеңілдіктер

Жыл сайын жүздеген талапкерлер «Тұран» университетін басқа университеттердің арасынан таңдап, оқуға түседі. Мемлекеттік гранттар жыл сайын Қазақстан бойынша білім беру бағдарламаларының топтарына бөлінеді.

Мемлекеттік грант конкурсына өтініш берген кезде түсуді жоспарлап жүрген ЖОО-ның кодын көрсету қажет («Тұран» университетінің коды – 093). Мемлекеттік гранттар ҰБТ нәтижелері бойынша ең жоғары ұпай жинаған талапкерлерге тағайындалады. Егер сіз мемлекеттік грант иегері атансаңыз, грант өзіңіз таңдаған оқу орнына бағытталады.

Мемлекеттік грант конкурсына қатысу үшін шекті балл деңгейі:

• «Құқық» білім беру бағдарламаларының тобы бойынша кемінде 75 балл (Қазақстан тарихы мен бейіндік пәндер бойынша кемінде 5 балл, Оқу сауаттылығы мен Математикалық сауаттылық бойынша кемінде 3 балл);
• қалған білім беру бағдарламалары бойынша кемінде 50 балл (Қазақстан тарихы мен бейіндік пәндер бойынша кемінде 5 балл, Оқу сауаттылығы мен Математикалық сауаттылық бойынша кемінде 3 балл);
• қысқартылған оқу нысанына түсу кезінде кемінде 25 балл жинау қажет (әр пән бойынша кемінде 5 балл).

130 балл және одан жоғары – “Тұран”университетінің гранты

125-129 балл – тегін оқу (2 жыл)

120-124 балл – тегін оқу (1 жыл)

110-119 балл – бірінші оқу жылына 50% жеңілдік

100-109 балл – бірінші оқу жылына 30% жеңілдік

90-99 балл – бірінші оқу жылына 20% жеңілдік

80-89 балл – бірінші оқу жылына 10% жеңілдік

*Бұл жеңілдіктер мен гранттар режиссура, операторлық өнер, актерлік өнер, есептеу техникасы және бағдарламалық қамтамасыз ету, РЭТ, бағдарламалық инженерия, журналистика, қоғаммен байланыс және кино және теледидар өндірісінен басқа барлық күндізгі оқу нысанындағы мамандықтарға қатысты.

Ректордың ішкі білім гранттары жыл сайынғы конкурстық іріктеу нәтижелері бойынша тағайындалады. Байқау қорытындысы бойынша келесі гранттар тағайындалады:

• 1 орын – 4 жыл тегін білім беру
• 2 орын – 2 жыл тегін білім беру
• 3 орын – 1 жыл тегін білім беру

Конкурсқа ҰБТ бойынша 80 және одан да көп балл (мүмкін  болған 140 балдан) жинаған, сондай-ақ колледжден кейін ұқсас мамандық бойынша оқуға түсетін, ҰБТ бойынша 40 және одан да көп балл (мүмкін болған 70 балдан) немесе ішкі емтиханда 40 және одан да көп балл жинаған тұлғалар жіберіледі.

Конкурстық іріктеу критерийлері

1. «Алтын белгі» төсбелгісі;
2. ҰБТ сертификаты немесе ішкі емтихан ұпайлары;
3. Аттестат/дипломның орташа балы;
4. Талапкердің Қазақстан Республикасы Білім және ғылым министрлігі бекіткен халықаралық және республикалық пәндік олимпиадаларға, сонымен қатар «Тұран» университетінің олимпиадаларына қатысуы;
5. IELTS немесе TOEFL халықаралық тіл сертификаттарының болуы (мерзімі – 2 жыл).

Тіркелу мерзімі туралы ақпаратты университеттің қабылдау бөлімінен білуге ​​болады. Тіркелу үшін университетке құжаттарды тапсыру керек.

“Тұран” университетінде талапкерлердің тегін білім алуға гранттар ұтып алу мүмкіндігі бар. Конкурс нәтижелері бойынша келесі гранттар бөлінген:

• 1 орын – 4 жылдық грант
• 2 орын – 2 жылдық грант
• 3 орын – 1 жылдық грант

Байқау барлық талапкерлерге қатысуға мүмкіндік беру үшін бүкіл Қазақстанды қамтиды. Тіркелу grant.turan-edu.kz сайтында жүзеге асырылады.

1 кезең – Сайтта тіркелуден өту және «Елімнің болашағын қалай елестетемін және ол үшін не істей аламын» тақырыбына эссе жазу. Эссені grant@turan-edu.kz поштасына жіберу қажет.

2 кезең – логика және сыни тұрғыдан ойлауға арналған тест. Тестілеу онлайн режимде жүргізіледі. Кіруге арналған логин мен пароль алдыңғы кезеңнен сәтті өткен қатысушылардың электрондық поштасына алдын ала жіберілетін болады.

3 кезең – конкурстық комиссия мүшелерімен ауызша сұхбаттасу. Сұхбаттасуға конкурстың алдыңғы кезеңдерінен сәтті өткен қатысушылар жіберіледі. 3 кезең Алматы қаласы мен Алматы облысының тұрғындары үшін университетте жеке кездесу форматында, басқа облыстардың тұрғындары үшін онлайн форматта қашықтан жүргізіледі. Сұхбаттасу  күні мен уақыты әрбір қатысушы үшін жеке анықталады, ақпарат электронды пошта арқылы жіберіледі.

(ҰБТ-ның екі міндетті пәні мен екі шығармашылық емтиханның сомасы)

125 балл – “Тұран”университетінің гранты

120-124 балл – тегін оқу (2 жыл)

115-119 балл – бірінші жылы тегін оқу

110-114 балл-бірінші оқу жылына төленетін 50% жеңілдік

105-109 балл-оқудың бірінші жылының төлеміне 30% жеңілдік

100-104 балл – бірінші оқу жылына төленетін 20% жеңілдік

95-99 балл-бірінші оқу жылының төлеміне 10% жеңілдік

“Алтын Белгі” төсбелгісі бар және ҰБТ-да 105 және одан да көп балл жинаған жалпы білім беретін мектеп түлектеріне 4 жылдық тегін оқу ұсынылады.

“Алтын Белгі” төсбелгісі бар және ҰБТ-да 95-104 балл жинаған жалпы білім беретін мектеп түлектеріне 2 жылдық тегін оқу ұсынылады.

• Үздік дипломы бар күндізгі оқыту нысанына түсетін колледж түлектеріне бірінші оқу жылына 50% жеңілдік ұсынылады.
• Күндізгі оқыту нысанына түсетін «Тұран», «Тұран-Астана» және ОАОЭК колледждерінің түлектеріне бірінші оқу жылына 20% жеңілдік ұсынылады (орыс/қазақ бөлімі).
• Күндізгі оқыту нысанына түсетін «Тұран», «Тұран-Астана» және ОАОЭК колледждерінің түлектеріне бірінші оқу жылына 30% жеңілдік ұсынылады (ағылшын бөлімі).
• Қашықтықтан оқыту нысанына түсетін «Тұран», «Тұран-Астана», ОАОЭК колледждерінің түлектеріне бірінші оқу жылына 10% жеңілдік ұсынылады.

Ғылыми-педагогикалық магистратураға түсу кезінде жеңілдіктерге ие:

• Үздік дипломы бар “Тұран” университетінің түлектері-25% жылдық оқу құны. Кәдімгі үлгідегі дипломы бар – 10 % жылдық оқу құны.
• Магистратураға түсетін, дипломы бар басқа жоғары оқу орындарының түлектері үздік, оқудың жылдық құнынан 15% жеңілдік беріледі бірінші оқу жылы.

Ғылыми-педагогикалық бейіндегі  (2 ж.о.) магистратурада жыл аяғында GPA – 4,0, транскриптте «А-»-дан төмен бағалары жоқ үздік студенттерге 20% жеңілдік беріледі. GPA – 3,67 және одан жоғары болған жағдайда – алдыңғы оқу жылының құнынан 10% жеңілдік ұсынылады.

• Құжаттарды тапсыру сәтінде екі жылдан аспайтын мерзімдегі сертификаттар
• Жеңілдіктер мен гранттар STEM Бизнес мектебінде оқуға түсушілерге және басқа жоғары оқу орындарынан барлық оқу кезеңіне ауысатындарға беріледі

• «Тұран» мектеп-лицейінің түлектеріне (ҰБТ бойынша 140 балдан кемінде 75 балл болған жағдайда) бірінші оқу жылының құнынан 20% мөлшерінде жеңілдік ұсынылады (орыс/қазақ бөлімі). «Тұран» мектеп-лицейінің түлектеріне (ҰБТ бойынша 140 балдан кемінде 75 балл болған жағдайда) бірінші оқу жылының құнынан 30% мөлшерінде жеңілдік ұсынылады (ағылшын бөлімі).
• Бірінші дәрежелі туыстық студенттерге (ата-анасы, аға-інілері мен апа-сіңлілері) растайтын құжаттары болған жағдайда 10% жеңілдік беріледі
• Университеттің конкурстарының, зияткерлік іс-шараларының жүлдегерлері мен қатысушыларына күндізгі оқу нысанының бірінші оқу жылына белгіленген мөлшерге сәйкес жеңілдіктер беріледі
• Бакалавриат білім беру бағдарламаларында оқу озаттарына жыл қорытындысы бойынша GPA – 4,0 кезінде 20% жеңілдік, GPA – 3,67 және одан жоғары болған жағдайда 10% жеңілдік беріледі. Жеңілдіктер деканның ұсынысы бойынша тағайындалады.
• Жетім балаларға (егер ата-анасының екеуі де немесе жалғыз ата-анасы қайтыс болған жағдайда), ата-анасының қамқорлығынсыз қалған балаларға 15% мөлшерінде жеңілдіктер беріледі.
• I-III топтағы мүгедектігі бар тұлғаларға 5-15% мөлшерінде жеңілдіктер қарастырылған (растайтын құжаттардың жыл сайынғы жаңартылуын ескере отырып).
• Көп балалы отбасыдан шыққан студенттерге 10% мөлшерінде жеңілдіктер беріледі (растайтын құжаттардың жыл сайынғы жаңартылуын ескере отырып). Студенттің жасы – жиырма үш жастан аспаған жағдайда.
• Көп балалы отбасыдан шыққан студенттерге (аналары “Алтын алқа”, “Күміс алқа” алқаларымен марапатталған) 15% көлемінде жеңілдіктер беріледі (растайтын құжаттардың жыл сайынғы жаңартылуын ескере отырып). Студенттің жасы – жиырма үш жастан аспаған жағдайда.
• “Үздік түлек” байқауының жеңімпаздарына “Тұран” университетінің магистратурасында/ докторантурасында білім алуға жеңілдік беріледі. Жеңілдіктер мөлшері жыл сайын ректордың бұйрығымен бекітіледі.
• «Тұран-Зерде» түлектері қауымдастығының мүшелеріне, сондай-ақ олардың балаларына жыл сайынғы мүшелік жарнаны төлеу шартымен әрбір оқу жылы үшін 10%, жақын туыстарына – 5% жеңілдік беріледі.
• Университет белсенді спортшыларға оқуға 50-100% жеңілдіктер береді, бұл студенттің университеттің оң имиджін қалыптастыруға және жақсартуға үлес қосуының міндетті және ту астында “Тұран”университетінің құрама командасының құрамында қатысуы міндетті болған жағдайда: халықаралық дәрежедегі спорт шеберлеріне және спорт шеберлеріне(ҚР Универсиада бағдарламасына кіретін спорт түрлері бойынша, ҚР ҰСЛ), спорт шеберіне үміткерлерге, 1 орын иегерлеріне (ҚР Универсиада бағдарламасына кіретін спорт түрлері бойынша, ҚР ҰСЛ), ҚР ҰСЛ аймақтық кезеңінің финалистері мен жүлдегерлеріне, ҚР Спорт мектептері мен академияларының, спорт клубтарының түлектеріне.
• Университет өткен жылдың қорытындысы бойынша ағымдағы оқу жылына (25% – дан үшеу, 20% -дан үшеу, 15% -дан он, 10%-дан он) жеңілдіктер бөледі, оның ішінде имидждік, әлеуметтік және басқа да жобалық бағдарламаларға қатысатын, түрлі департаменттер мен құрылымдық бөлімшелерде ақысыз негізде жұмыс істейтін AGITKA TEAM (15% -дан бес, 10%-дан бес) белсенді студенттері үшін.
• Университетте кемінде 3 жыл жұмыс өтілі бар университет қызметкерлеріне, сондай-ақ олардың балаларына 15%-ға дейін жеңілдік қарастырылған.