Психология жоғары мектебінің қолдауымен өткен «Болашақ психотехнологиялары» атты халықаралық конференциясы
2025 жылдың 21-22 ақпанында “Тұран” университетінде Психология жоғары мектебінің психология және психотерапия саласындағы жетекші әлемдік ұйымдармен бірлесіп ұйымдастыруымен “Болашақ психотехнологиялары” атты халықаралық конференциясы өтті.
Конференция психологиядағы инновацияларға қызығушылық танытқандардың барлығы үшін нағыз мерекеге айналды. Қатысушылар төмендегідей мүмкіндіктерге ие болды:
- Озық психотехнологиялар әлеміне ену: Әр түрлі елдерден келген жетекші сарапшылар психотерапия, әлеуметтік психология және психотехнологиялар саласындағы ең жаңа әзірленімдері мен идеяларын ұсынды.
- Тәжірибелік дағдыларды игеру: Қатысушылар ең тиімді әдістер мен техникаларды меңгеруге мүмкіндік берген шеберлік сыныптарына қатысты.
- Кәсіби байланыстарды кеңейту: Конференция әр түрлі елдерден келген әріптестермен танысуға, тәжірибе алмасуға және жаңа байланыстар орнатуға мүмкіндік беретін тамаша нетворкинг алаңына айналды.
- Қатысуын растау: Барлық қатысушылар осы маңызды іс-шараға қатысқандарын растайтын ХӘПКжПҚ сертификатын алды.
Конференция келесі ұйымдардың қолдауымен өткізілді:
- Азия психотерапия федерациясы
- Бүкілресейлік кәсіби психотерапиялық лига
- Халықаралық ғылыми психотерапия академиясы
- Халықаралық әлеуметтік психотерапия, кеңес беру және психотехнологиялар қауымдастығы
- Халықаралық әлеуметтік психотерапия және кеңес беру институты
Іс-шараға Қазақстан, Өзбекстан, Ресей және АҚШ-тан 20-дан астам спикер, 70-тен астам қатысушы бетпе-бет және 300-ге жуық қатысушы онлайн форматта қатысты. “Болашақ психотехнологиялары” конференциясы психология ғылымы мен практикасының дамуындағы маңызды қадам болды. Ол психологияның жаңа ашылымдар мен мүмкіндіктердің алдында тұрғанын көрсетті.
Конференция ұйымдастырушылары іс-шараның жетістігіне қосқан үлестері үшін барлық қатысушыларға, спикерлерге және серіктестерге алғыстарын білдіреді. Конференция сіздер үшін шабыт пен жаңа идеялардың көзі болды деп үміттенеміз.
Сіздерді алда болатын іс-шараларымызда қуана күтеміз!
