18 наурыз форсайт-сессия «Микро біліктілік: өмір бойы оқу және жұмысқа орналасу мүмкіндіктерін кеңейту»

Форсайт-сессияға ҚР БҒМ Жоғары және жоғары оқу орнынан кейінгі білім департаменті, ҚР БҒМ Болон процесі және академиялық ұтқырлық орталығы, «Атамекен» ҰКП, ҚР ЖОО және шетелдік ЖОО, салалық қауымдастықтар мен бейінді кәсіпорындар қатысты. Қатысушылар арасында «Тұран» университетінің «Туризм және сервис» кафедрасының меңгерушісі т.ғ. к. Ғалия Шаукетқызы Файзуллина болды.

Форсайт-сессияның мақсаты-еңбек нарығын форсайт-зерттеу және жаңа құзыреттіліктерге қажеттілікті болжау негізінде жоғары және жоғары оқу орнынан кейінгі білім беру бағдарламалары топтарының ОӘБ-ЖБТ түлектері үшін олардың жұмысқа орналасу мүмкіндігін кеңейтетін микро біліктіліктерді айқындау.

«Мейрамхана ісі және мейманхана бизнесі» білім беру бағдарламасының тобында Мейрамхана ісі және мейманхана бизнесіндегі еңбек нарығын зерттеу негізінде құзыреттілікке қажеттіліктің негізгі трендтері анықталды. Нарықта сұранысқа ие микро біліктіліктерді қамтамасыз ету үшін сала үшін кадрларды қалай дайындау керек деген сұраққа кейбір жауаптар табылды.

Бағдарламаның негізімен қатар, қатысушылар Алматы технологиялық университетінің «МІҚБ» ББ студенттері үшін өндірістік базамен және оқу кабинеттерімен танысты.