Ағымдағы жылдың 1 маусымынан 15 шілдесіне дейін кешенді тестілеуге өтінім беру қажет. Өтініштерді қабылдау ҚР БҒМ ҰТО АЖ арқылы онлайн режимінде жүзеге асырылады.
Университеттің қабылдау комиссиясына қажетті құжаттар пакеті:
- Ректордың атына өтініш;
- Жоғары білім туралы құжаттың түпнұсқасы (қосымшаларымен дипломдар));
- Кадрларды есепке алу бойынша жеке іс парағы және еңбек қызметін растайтын құжат (еңбек өтілі бар тұлғалар үшін);
- Жеке басын куәландыратын құжаттың көшірмесі;
- Суреттер 3×4 (6 дана).
- «Денсаулық сақтау ұйымдарының бастапқы медициналық құжаттама нысандарын бекіту туралы» Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) 075-У нысанындағы медициналық анықтама (бұдан әрі — № 907 бұйрық));
- Жалпы еуропалық құзіреттіліктерге (стандарттарға) сәйкес шет тілін меңгергендігін растайтын халықаралық сертификаттың көшірмесі (бар болған жағдайда).
Шетелдік білім беру ұйымдарында білім алу туралы құжаттарды алған тұлғалар магистратураға түсу үшін білім туралы құжаттарды тану немесе нострификаттау рәсімінен өтуі керек. Шет тілінде ұсынылатын жоғары білім туралы құжаттардың қазақ/орыс тіліне нотариалды куәландырылған аудармасы болуы тиіс.
