Студенттік лиганың жыл сайынғы «Sirius Cup VI» Республикалық турнирі өз мәресіне жетті
2023 жылғы 8-9 сәуірде «Тұран» университетінің қабырғасында Sirius зияткерлік пікірсайыс клубы ұйымдастырған дәстүрлі Республикалық студенттер лигасына арналған Sirius Cup VI пікірсайыс турнирі өтті.
Ауқымды турнирге Алматы қаласынан басқа Өскемен, Шымкент және Ақтөбеден 64 фракция, 128 қатысушы қатысты. Біздің қатысушылар турнир барысында саяси-құқықтық, сыни ойлауды талап ететін бүгінгі күннің өзекті тақырыптарын талқылады және ең жақсы шешімді табуға тырысты.
Бір жыл ішінде «Sirius Cup» турнирі барлығын өзінің жаңалықтары мен өзгерістерімен қызықтыра алды. Бір жыл бұрын өткен турнирмен салыстырғанда бұл жолы турнирге тек бакалавриат студенттері ғана қатыса алды.
Пікірсайыс кезінде судьяға дұрыс емес өтініш беру, алаңдаушылық немесе тақырыпқа дұрыс дайындалмау салдарынан туындайтын мәселелердің алдын алу үшін «double elimination» мүмкіндігі берілді.
«Sirius Cup VI» турнирінің тақырыбы – заманауи үйлену тойы. Яғни, турнирде неке қию, «шашу» рәсімі сияқты салтанатты сәттер болды.
Ендеше, екі күнге созылған тартысты бәсекені қорытындылайық:
Сөзшеңдігі мен шешендік өнерінің арқасында Дәулет Мырзакулов Үздік спикер атанды және сертификатқа қосымша 50 000 теңге көлемінде ұтысты иеленді.
Келесі «үздік серпіліс» номинациясымен «Жиендер» фракциясының спикерлері Жұмашев Бекзат пен Әуешов Аманжол марапатталды.
«Ағалар» фракциясының қатысушылары Нұржан Оңғаров пен Санжар Латифов жанқиярлық дайындығы мен ынта-жігерінің арқасында 300 000 теңгелік жүлделі ұтыспен АӨФ форматында бірінші орынды иеленді.
Екінші орынды «Жекжаттар» фракциясының қатысушылары Сапарова Жанна мен Бейсенали Кубыла иеленіп, 200 000 теңге көлемінде ақшалай ұтысты жеңіп алды.
Ақылдылық пен жеңіске деген ұмтылыс «Достар» фракциясының спикерлері Жақсылық Ботакөз бен Дәулет Мырзакуловты үшінші орынға қойып, қатысушыларға 150 000 теңге ұтыспен алғыс хаттар әкелді.
Турнирде жеңіске жеткен барлық пікірсайысшыларды құттықтаймыз және сіздерге жаңа биіктерге жетіп, жұлдыздар сияқты жарқырауды тілейміз!
«Sirius» интеллектуалдық пікірсайыс клубының атынан біздің университетте республикалық деңгейде турнир өткізуге рұқсат берген «Тұран» университетінің басшылығына ерекше алғысымызды білдіреміз.
