«Тұран» университетінде «Тұрандот» мүсінінің ашылу салтанаты
21 қазан күні «Тұран» университетінде Қазақстан Республикасы күніне орай «Тұрандот» мүсінінің ашылу салтанаты өтті.
Іс-шараның құрметті қонақтары:
- Қазақстан Парламенті Мәжілісінің әлеуметтік-мәдени даму Комитетінің төрағасы, «Тұран» университетінің қамқоршылық кеңесінің Төрағасы Аймағамбетов Асхат Қанатұлы;
- Танымал кеңес және қазақ актері, театр мен кино режиссері, сценарист, Қазақстанның Еңбек Ері, КСРО Мемлекеттік сыйлығының лауреаты, КСРО халық әртісі Әшімов Асанәлі Әшімұлы;
- Экономика ғылымдарының докторы, профессор, Қазақстан Республикасы Қаржыгерлер қауымдастығы кеңесінің құрметті төрағасы, «Тұран» университетінің қамқоршылық кеңесінің мүшесі Серик Ахметжанұлы Аханов;
- Footlab академиясының тең құрылтайшысы, «Тұран» университетінің қамқоршылық кеңесінің мүшесі Кикимов Мақсат Сәкенұлы;
- «Qazaq Oil» ЖШС атқарушы директоры, «Тұран» университетінің қамқоршылық кеңесінің мүшесі Абильшаиков Нариман Бақтыбайұлы;
- Түркия, Стамбул қаласы, Малтепе ауданының мэрі, «Тұран» университетінің қамқоршылық кеңесінің мүшесі Али Килич;
- Техника ғылымдарының докторы, профессор, Қазақстанның ғылыми-білім беру компьютерлік желісін пайдаланушылар қауымдастығының (KazRENA) бас директоры, «Тұран» университетінің қамқоршылық кеңесінің мүшесі Джапаров Борис Аликенұлы;
- Алматы қаласы Кәсіпкерлік және инвестициялар басқармасының басшысы Алишер Сатыбалдиев.
⠀
«Тұрандот» мүсіні қазіргі Қазақстан кіретін Орталық Азияның тарихи аумағы — Тұран әйелдерінің ұжымдық бейнесі болып табылады. Көптеген шығыс мифтері мен аңыздарын бейнелейтін бұл символ әлемдік мәдениет қайраткерлері үшін шабыт көзіне айналып, терең мағыналарға толы болды.
⠀
Қоладан жасалған мүсінді дарынды қазақстандық суретші Нұрлан Әбішев жасаған. Туындының биіктігі – 180 см, диаметрі – 100 см, тұғырдың биіктігі – 50 см. Мүсінді орнату «Тұран» университетінің қаражаты есебінен жүзеге асырылды.
⠀
Ұлы даланың қызын бейнелейтін «Тұрандот» мүсіні Алматының жаңа бірегей көрікті жеріне айналып, жастардың ағарту мен жасампаздыққа ұмтылуындағы бірігу орнына айналады деген үміттеміз.
