«Туризм» және «Туризм мен қонақжайлылықтың инновациялық менеджменті» білім беру бағдарламалары студенттерінің «Таңбалы» музей-қорығына сапары
Қазақстан Республикасы күні қарсаңында «Туран» университетінің Туризм және қонақжайлылық жоғары мектебінің «Туризм» және «Туризм мен қонақжайлылықтың инновациялық менеджменті» білім беру бағдарламаларының 2 және 3 курс студенттері ЮНЕСКО-ның Бүкіләлемдік мұра тізіміне енген «Таңбалы» мемлекеттік музей-қорығына оқу-тәжірибелік сапар жасады.
Экскурсия «Экскурсиялық қызмет», «Туристік қызмет психологиясы» және «Туризм тарихы» пәндері аясында ұйымдастырылды. 3 курс студенттері қаладан тыс экскурсия өткізу әдістемесімен және туристік аудиториямен өзара іс-қимыл ерекшеліктерімен танысты. Сонымен қатар, «Туризм» білім беру бағдарламасының студенттері сапар барысында басқа топ студенттерімен «Қарым-қатынас мәнері» тақырыбында бейнесұхбат жүргізіп, мотивациялық аспектілерді талдау мақсатында бастапқы ақпарат жинады.
Сапар барысында музей-қорықтың ғылыми қызметкері, өмірін «Таңбалы» петроглифтер кешенін зерттеу мен қорғауға арнаған археолог Алексей Евгеньевич Рогожинскийдің сөзі студенттерге ерекше әсер қалдырды. Ол өңірдің соңғы археологиялық жаңалықтары туралы айтып, мәдени мұра мен музей ісіне қызығушылық танытқан студенттерге арналған волонтерлік бағдарламалар туралы ақпарат берді.
Бұл сапар студенттердің кәсіби дайындықтарындағы маңызды кезең ғана емес, сонымен қатар Тұрақты даму мақсаттарын (ТДМ) іске асыруға қосқан үлес болып табылады, атап айтқанда:
- ТДМ 4 – «Сапалы білім беру» – тәжірибелік оқыту және зерттеу дағдыларын дамыту арқылы;
- ТДМ 11 – «Тұрақты қалалар мен елді мекендер» – мәдени және табиғи мұраны насихаттау арқылы;
- ТДМ 15 – «Құрлық экожүйелерін сақтау» – болашақ туризм мамандарының экологиялық және мәдени жауапкершілігін арттыру арқылы.
Осындай сапарлар студенттердің ұлттық мұраға деген саналы көзқарасын қалыптастырып, экскурсоводтардың кәсіби құзыреттерін дамытып, Қазақстан тарихы мен мәдениетіне құрмет сезімін тәрбиелейді.
Топ жетекшілері: Туризм және қонақжайлылық жоғары мектебінің сениор-лекторлары Величко А.В. және Эргешов А.А.
