AP26198511 жобасы бойынша әдістемелік семинар «Орталық Азия аймағының креативті индустрияларының интеграциялық әлеуеті: бағалау әдістемесін және іске асыру тетіктерін әзірлеу»

2025 жылғы 22 қазанда Қазақстан Республикасының Ғылым және жоғары білім министрлігінің Ғылым комитеті 2025–2027 жылдарға арналған гранттық қаржыландыру жобалары аясында AP26198511 «Орталық Азия аймағының креативті индустрияларының интеграциялық әлеуеті: бағалау әдістемесін және іске асыру тетіктерін әзірлеу» тақырыбындағы жобасы бойынша әдістемелік семинар өтті. Іс-шара онлайн форматта ұйымдастырылды.

Семинардың мақсаты – зерттеу тобының қатысушылары арасында жобаның тұжырымдамасы бойынша бірыңғай түсінік қалыптастыру және оны іске асырудың ортақ әдістемелік тәсілдерін айқындау.

Семинар барысында жоба бойынша негізгі зерттеушілер сөз сөйледі:

• Э.ғ.к., ЭМЖМ-нің зерттеуші-профессоры Г.У. Хаджиева, жоба жетекшісі – зерттеудің жалпы логикасын таныстырып, мақсаттар, кезеңдер мен әдістемелік қағидаттардың өзара байланысын және жоба бөлімдерінің өзара әрекеттесу құрылымын айқындады.
• Э.ғ.д., ЭМЖМ-нің профессоры С.Н. Сансызбаев – креативті индустриялардың интеграциялық әлеуетін талдаудың теориялық негіздерін анықтай отырып, жобаның тұжырымдамалық шеңберін ашып көрсетті.
• PhD, МЛЖМ-нің қауымдастырылған профессоры Ж.Б. Джумадилдаева – Орталық Азиядағы брендтер мен креативті секторлардың қазіргі жағдайын экономикалық және маркетингтік талдау әдістері арқылы таныстырды.
• А. Мараткызы, Creative Kazakhstan Agency директоры – креативті индустрияларды басқару және дамыту саласындағы тәжірибесімен бөлісіп, кешенді сандық және сапалық әлеуметтанулық зерттеулердің әдістемесін ұсынды.
• PhD, ЭМЖМ-нің зерттеуші-профессоры Д.И. Закирова – өңірдің креативті индустриялар саласында кадрлық әлеуетті және академиялық өзара іс-қимылды дамытуға бағытталған білім беру интеграциясының моделін әзірлеу әдістерін таныстырды.

Талқылау қорытындысы бойынша:

• жобаның теориялық, эмпирикалық және қолданбалы зерттеу бағыттарының өзара байланысын қамтитын бірыңғай әдістемелік негіз қалыптастырылды;
• Орталық Азиядағы креативті индустриялардың жаңа интеграциялық ресурс ретіндегі рөлін айқындайтын жобаның тұжырымдамалық шеңбері анықталды;
• әрбір зерттеу бөлімі бойынша міндеттер мен әдістемелік құралдар нақтыланды;
• жобаны іске асыру жөніндегі алдағы жұмыстардың жоспары бекітілді.

Осылайша, өткізілген семинар жобаның ғылыми тұжырымдамасын дамытудағы маңызды кезеңге айналып, Орталық Азия аймағының креативті индустрияларының интеграциялық әлеуетін бағалау әдістемесін және оны іске асыру тетіктерін әзірлеу жөніндегі жүйелі жұмыстың негізін қалады.