Шет елдегі академиялық ұтқырлық бойынша ақпараттық кездесу

2022 жылдың 1 қарашасында Тұран университетінде «Студенттердің халықаралық академиялық ұтқырлық бағдарламаларына қатысу мүмкіндіктері» тақырыбында студенттерге арналған ақпараттық кездесу өтті.

Халықаралық ынтымақтастық департаментінің қызметкерлері студенттерге академиялық ұтқырлық бағдарламаларына қатысу ережелері, тұрақты шетелдік серіктес университеттер жайлы, тіл үйрену мүмкіндіктері туралы егжей-тегжейлі таныстырылым жасады. Тұран университеті негізінде бірден 3 халықаралық емтихан ұйымдастырылады және өткізіледі, бүкіл әлемде мойындалған және сұранысқа ие: IELTS, TOEFL, SAT. Сонымен қатар, семестрде шетел университеттеріне оқуға барғысы келетін студенттер үшін апта сайын Turan Speaking Club жұмыс істейді.

Сондай-ақ, «Режиссура» мамандығының 4 курс студенті Максим Сұлтан Польшаның Слупск қаласындағы Померания академиясында болу тәжірибесімен бөлісіп, академиялық ұтқырлық, шетелдік студенттермен қарым-қатынас, саяхат ұйымдастыру бойынша, байқауға дайындық бойынша кеңес берді.

Студенттер ең өзекті сұрақтарға жауап алды: қалай тапсыру керек, қатысуға қойылатын талаптар, виза мәселелері. Көптеген студенттер академиялық ұтқырлыққа қатысу идеясымен шабыттанды және Тұран университетін халықаралық қоғамдастықта лайықты түрде көрсете алады деп үміттенеміз.

Халықаралық ынтымақтастық департаменті