«Өзге тілдің бәрін біл, өз тіліңді құрметте» атты тілдер апталығы өткізілді

19-23 қыркүйек аралығында «Тұран» университетінде «Журналистика және аударма ісі» кафедрасының ұйымдастырумен «Өзге тілдің бәрін біл, өз тіліңді құрметте» атты тілдер апталығы өткізілді.

Апталық жоспары мынадай бөлімдерден тұрады:

1. 19 қыркүйек – ТikTok күні. Қазақ тілінде TikTok желісіне бейнебаян түсіру;
2. 20 қыркүйек – «Томирис» фильмінің желісі бойынша университеттің Instagram парақшасында жарияланған сұрақ-жауап айдарына қатысу;
3. 21 қыркүйек – университетке әр студент өз ұлтының стилінде киініп келу;
4. 22 қыркүйек – университетте бір күн тек қазақ тілінде сөйлеу;
5. 23 қыркүйек – қорытындылау күні.

Тілдер апталығында ана тіліміздің маңыздылығын насихаттап, белсенділік танытуға шақыру мақсатында студенттерге және университет кафедраларына арнайы кітапшалар таратылды. Сонымен қатар студенттер «Томирис» фильмін тамашалау арқылы @life_turan Instagram парақшасындағы сұрақ-жауап айдарына қатысуға шақырылды.

Тілдер апталығының мақсаты: студенттердің өз ана тіліне деген құрмет сезімін арттыру, тіл мәртебесін көтеру, таза сөйлеуге үйрету, өз ұлтына, еліне деген сүйіспеншілігін ояту.

Қорытындылау: Шараға барлық 1-курстың 350-ден астам студенттері қатысып,  іс-шараның бағдарламасына сәйкес өз тәжірибелерін көрсетті. «Журналистика және аударма ісі» кафедра меңгерушісінің қызметін атқарушы А.А.Құрманбаева осы тілдер апталығын өткізуге жауапты ф.ғ.к., қауымдастырылған профессоры Айнұр Қаршығаева және барлық іс-шараға қатысқан кафедра оқытушыларымен бірге қатысқан студенттерге сертификаттар табыстады.