Аймақтық зерттеулер орталығы Лиссабон университетімен және Орталық-Еуразиялық зерттеулер қоғамымен бірлесе «Еуразиялық көші-қон жүйесінің болашағы» халықаралық конференциясын өткізуі
2023 ж. 9-10 қазанда «Тұран» университетінің «Аймақтану және халықаралық қатынастар» кафедрасының жанындағы Аймақтық зерттеулер орталығы Лиссабон университетімен және Орталық-Еуразиялық зерттеулер қоғамымен (АҚШ) бірлесіп халықаралық конференция өткізді. Конференция Еуразиядағы көші-қон процестерінің жай-күйіне және олардың дамуына байланысты мәселелер кешенін қарастырды.
Көші-қон мәселелерімен айналысатын ғалымдар мен зерттеушілердің халықаралық форумын т.ғ.д., «Тұран» университетінің профессоры Камалов А.К. және Лиссабон университетінің (Португалия) зерттеушісі доктор Антонио Эдуардо Мендонца ұйымдастырды. Конференцияның екі күні ішінде сегіз секциялық отырыста әлемнің 18 елінен келген ғалымдар мен сарапшылардың 37 баяндамасы тыңдалды. Конференция гибридті күндізгі-қашықтық форматында өтті: қатысушылардың жартысы зум арқылы қатысты. Еуразиялық көші-қон жүйесінің теориялық және әдіснамалық мәселелері туралы негізгі баяндамаларды көші-қон және демография бойынша жетекші мамандар И.В. Ивахнюк (Ресей), И.Н. Молодикова (Венгрия), С. Бакли (АҚШ) және М. Дювель (Германия) жасады.
Еуразиядағы көші-қон процестерінің басқа да өзекті мәселелерімен қатар конференцияға қатысушылардың назарына қазақстандық ғалымдар Е.Ю. Садовская, С. Б. Кожирова, Б.И. Ракишева, Л.Ф. Деловарова, А.К. Камалов, А.Д. Самай және Д.М. Рахматулинаның зерттеу нәтижелері ұсынылды. Еуразиялық көші-қон жүйесінің өзекті теориялық және эмпирикалық аспектілерін талқылау конференцияға қатысушылар мен тыңдаушылар арасында үлкен пікірталас тудырды, олардың жалпы саны 50-ден астам адамды құрады. Көші-қон жөніндегі ғалымдардың осындай айтулы форумын өткізу проф. А.К. Камаловтың жетекшілігімен «Тұран» университетінің зерттеушілер тобы 2023 ж. бері жүргізіп келе жатқан «Қазақстан-Қытай қатынастарындағы көші-қон факторы» (ИРН АР19679244, ҚР Ғылым және жоғары білім министрлігінің гранттық қаржыландыруы) ғылыми-зерттеу жобасын жүзеге асыруда маңызды кезең болады.
Конференция бағдарламасымен мына жерден танысуға болады.
