Beijing Weco International Education and Culture делегациясымен кездесу

2024 жылғы 16 наурызда «Тұран» университетінде Қытайдың Beijing Weco International Education and Culture делегациясымен кездесу өтті. Делегация құрамына «WECO» Пекин халықаралық білім беру орталығының басшысы Хань Чжунган, Шанхай университетінің медицина факультетінің профессоры Цзяотун Чэнь Ваньтао, Шаньдун университетінің экология ғылымдары және инженерия факультетінің профессоры Цуй Чжаоцзе, Қытай мұнай университетінің профессоры Ван Чжичжан кірді.

Кездесу аясында тараптар ғылыми зерттеулер, бірлескен ғылыми жобаларды құру және студенттердің академиялық ұтқырлығы бойынша ынтымақтастық мәселелерін талқылады.