Кәсіби біліктілікті арттыру курстары «Сот-сараптамалық психологиялық-филологиялық зерттеу жүргізу» сот сарапшыларына арналған РГҚП «Сот сараптамасы орталығы» Қазақстан Республикасы Әділет министрлігіне қарасты Тұран университетінде өтті
2024 жылғы 18-22 қараша аралығында Алматы қаласындағы «Тұран» университетінде ҚР Әділет министрлігінің «Сот сараптамалары орталығы» РМҚК сот сарапшыларына арналған «Сот-сараптамалық психологиялық-филологиялық зерттеу» тақырыбында біліктілікті арттыру курстары өтті. Іс-шара ҚР Әділет министрлігінің «Сот сараптамалары орталығының» сұранысы бойынша ұйымдастырылды. Спикер және тренер ретінде медиа және мәдениетаралық коммуникация жоғары мектебінің қауымдастырылған профессоры, филология ғылымдарының кандидаты, сөздік агрессия саласындағы ҚР бірегей маманы – Карымсакова Рахиля Даулетбаевна шақырылды. Оның резонанстық істер аясында жүздеген қорытынды мен сараптамалық жұмыстары бар.
Курстар «Turan Lingua» медиалингвистика мәселелері ғылыми-зерттеу зертханасының қызметі аясында қауымдастырылған профессорлар Жаппар Карлыгаш Зейнеловна, Томанова Нурия Мархабатовна және медиа және мәдениетаралық коммуникация жоғары мектебінің директоры Бузело Анна Сергеевна тарапынан ұйымдастырылды.
Рахиля Даулетбаевна жүргізген дәрістер мен практикалық сабақтар барысында теориялық және практикалық деңгейде келесі мәселелер қарастырылды:
- сот-психологиялық-филологиялық сараптаманың сот сараптамаларының жіктемесіндегі орны;
- ар-намыс, абырой, іскерлік беделді қорғау және жала жабу істері бойынша филологиялық сараптаманың ерекшеліктері;
- қорлау істері бойынша филологиялық сараптамалардың ерекшеліктері;
- экстремизм мен терроризмге қарсы іс-қимылға байланысты істер бойынша филологиялық сараптамалардың ерекшеліктері;
- Қазақстандағы сот-филологиялық сараптамада қолданылатын талдау әдістері.
ҚР Әділет министрлігінің «Сот сараптамалары орталығы» мен курстардың онлайн/офлайн тыңдаушылары – өңірлік сот сараптамалары орталықтарының сарапшылары (Ақтөбе, Алматы, Қызылорда, Шымкент және т.б.) – «Тұран» университетінің басшылығына іс-шараны жоғары деңгейде ұйымдастырғаны үшін ризашылықтарын білдіріп, Рахиля Даулетбаевнаға көпжылдық сараптамалық тәжірибесімен бөлісіп, сапалы оқыту өткізгені үшін алғыстарын айтты.
