Республикалық «Жоғары оқу орнының үздік оқытушысы – 2024» байқауының жеңімпазын құттықтаймыз!

Республикалық комиссияның шешімі бойынша, «Жоғары оқу орнының үздік оқытушысы – 2024» атағын беру бойынша республикалық кезеңнің жеңімпазы физика-математика ғылымдарының докторы, «Туран» университетінің Ақпараттық технологиялар жоғары мектебінің профессоры Калимолдаев Максат Нурадилұлы атанды.

Бұл жоғары марапат оның кәсібилігін, ғылыми жетістіктерін және жоғары білім беруді дамытуға қосқан зор үлесін мойындаудың белгісі.

Университет ұжымы атынан Максат Нурадилұлының лайықты жеңісімен құттықтаймыз! Шығармашылық шабыт, жаңа жетістіктер және ғылыми-педагогикалық қызметте одан әрі табыстар тілейміз!

Байқау нәтижелері министрліктің ресми сайтында жарияланды.