«Менің елім» тақырыбында А1 тобындағы шетелдік студенттерге арналған ашық сабақ

2025 жылғы 18 ақпанда «Тұран» университетінің дайындық факультетінің A1 тобында «Менің елім» тақырыбында ашық сабақ өтті. Сабақты оқытушы Жаппар К.З. жүргізді.

Сабақ барысында Италия мен Қытайдан келген студенттер өз елдері туралы презентациялар дайындап, мәдениеті, салт-дәстүрлері, ұлттық ерекшеліктері мен көрікті жерлері туралы баяндады. Әрбір презентация көрнекі материалдармен және қызықты деректермен толықтырылып, сабақты тартымды әрі әсерлі етті.

Қонақтар студенттердің меңгерген білімдерін тәжірибеде қалай қолданатынын көрді. Тыңдаушылар орыс тілінде еркін сөйлеу, ойларын жүйелі жеткізу және диалог жүргізу дағдыларын жоғары деңгейде көрсетті. Олардың белсенді қатысуы мен сенімді сөйлеуі орыс тілін меңгерудегі жетістіктерінің айқын дәлелі болды.

Мұндай ашық сабақтар білім беру үдерісінің маңызды бөлігі болып табылады. Олар студенттердің тілдік дағдыларын жетілдіріп қана қоймай, мәдениетаралық қарым-қатынасты дамытуға ықпал етеді. Сонымен қатар, бұл іс-шаралар оқу ортасын жайлы әрі достық қарым-қатынасты нығайтатын ортаға айналдырып, студенттердің өздерін сенімді сезінуіне көмектеседі.