«Future Founders» форумы
«Тұран» университетінде студенттер мен әртүрлі салалардың жетекші мамандарын біріктірген маңызды іс-шара өтті. Бұл іс-шара тәжірибе алмасуға және жас мамандарды әрі қарай дамуға шабыттандыруға бағытталды.
Шақырылған спикерлердің қатарында:
- Аблай Юсупов, Upgrade Business онлайн-платформасының негізін қалаушы, цифрлық ортада табысты бизнес құру тәжірибесімен бөлісті.
Тапалчинов Асланбек, веб-студияның жетекшісі және software engineer, бағдарламалық қамтамасыз ету мен веб-дизайндағы заманауи трендтер туралы айтты. - Алдонгарова Ботагоз, Kazakhstan Fashion Week ұлттық сән апталығы мен New Generation-Open Way жас дизайнерлердің халықаралық байқауының тең құрылтайшысы, Қазақстандағы сән индустриясының даму перспективалары мен жас таланттарды қолдау туралы айтты.
Рустам Қайрыев, Қазақстан халқы Ассамблеясының мүшесі, «Қазақстан ұйғыр жастары одағы» РҚБ төрағасы және «Ассамблея жастары» республикалық жастар ұйымының құрылтайшысы, қоғамдық қызмет және мәдениетаралық өзара әрекеттесу саласындағы тәжірибесімен бөлісті.
Іс-шара ашық диалог форматында өтті, онда студенттер сарапшыларға сұрақ қойып, құнды кеңестер алу мүмкіндігіне ие болды. Мұндай кездесулер студенттердің дүниетанымын кеңейтіп, оларды кәсіби жетістіктерге ұмтылуға ынталандырады.
«Тұран» университеті жастардың дамуы мен қолдауына бағытталған осындай іс-шараларды ұйымдастыру дәстүрін жалғастырып, ұрпақтар арасындағы білім мен тәжірибе алмасу алаңын ұсынуды жалғастыруда.
