2025-2026 оқу жылының күзгі семестріне Ғылым және жоғары білім министрлігінің гранты аясында академиялық ұтқырлық бағдарламасына өтінім қабылдау басталды!
Қазақстан Республикасы Білім және ғылым министрінің 2008 жылғы 19 қарашадағы № 613 бұйрығымен бекітілген Шетелге, оның ішінде академиялық ұтқырлық шеңберінде оқуға жіберу қағидаларының 41-тармағына сәйкес және Жоғары және (немесе) жоғары оқу орнынан кейінгі білім беру ұйымдарындағы орындардың санын анықтау жөніндегі комиссия отырысының 2025 жылғы 28 ақпандағы № 1 хаттамасының негізінде Тұран университетіне, 2025-2026 оқу жылының күзгі семестріне , Еуропа елдерінде білім алу үшін, 3 (үш) білім беру грантын бөлді. Аталған грант аясында студенттер Еуропаның жетекші жоғары оқу орындарында 1 семестр білім алу мүмкіндігіне ие болады.
Академиялық ұтқырлық гранты келесі шығындарды қамтиды:
- Ұшу билеттері;
- Тұру (жатақхана немесе жалдамалы пәтер);
- Виза алуға байланысты шығындар;
- Медициналық сақтандыру;
- Тегін оқу.
Қатысу шарттары:
- Жоғары академиялық жетістіктер;
- GPA 3.0-ден жоғары;
- Мемлекеттік білім гранты негізінде оқу;
- Ағылшын тілін меңгеруі (IELTS кемінде 5.5 немесе TOEFL кемінде 46);
- Академиялық ұсыныс хаттың болуы.
Қажетті құжаттар:
- ҚР азаматының сауалнамасы;
- Оқу үлгерімін (GPA) көрсететін транскрипт;
- Шет тілін білетінін растайтын сертификат;
- Мотивациялық хат;
- Оқытушылардан ұсыныс хаттар;
- Оқуға қабылданғанын растайтын анықтама (305-кабинеттен алуға болады).
Құжаттарды қабылдау мерзімі: 11 сәуірге дейін.
Конкурстық іріктеу 2025 жылғы 14 сәуірде өтеді
Барлық сұрақтар бойынша:
Халықаралық байланыс бөлімі, 707 кабинет
+7 727 260-40-23
