Маркетинг бойынша халықаралық студенттік сырттай Олимпиада

2025 жылдың 28 наурызында «Тұран» университетінде «Маркетинг және логистика» Жоғары мектебі ұйымдастырған маркетинг бойынша халықаралық студенттік сырттай Олимпиаданың үшінші туры өтті. Олимпиада «Маркетинг» мамандығын насихаттауға, дарынды жастарды анықтауға және «Тұран» университетінің магистратурасына түсу үшін Алматы университеттерінің білім алушыларын «Маркетинг» білім беру бағдарламасына тартуға бағытталған.

Олимпиада үш кезеңнен тұрды:

1. I тур 20.03.2025 ж. – онлайн тестілеу Google Формада (тиісті сілтеме бойынша). Онлайн тестілеу нәтижелері бойынша кемінде 72 балл жинаған олимпиадаға қатысушылар II турға өтеді.
2. II тур 26.03.2025ж. – келесі тақырыптардың бірі бойынша эссе жазу:1) Маркетингтің заманауи трендтері; 2) Маркетингтегі цифрлық технологиялар; 3) Маркетингтегі жасанды интеллекттің мүмкіндіктері мен мәселелері.
3. III тур 28.03.2025 ж.– аралас форматта (онлайн/ офлайн) «digital жобасы үшін команда құру» интерактивті практикалық тапсырмасын орындау.

Олимпиадаға «Тұран» университетінің «Маркетинг» ББ, «Нархоз» университетінің, Алматы менеджмент университетінің, Әл-фараби атындағы ҚазҰУ-дың, Халықаралық бизнес университетінің 3 және 4 курс студенттері және т.б. қатысты. Конкурсанттар жоғары білім деңгейін, креативті, шығармашылық тәсілді және заманауи маркетингтік үрдістерді түсінуді көрсетті.

Жүлделі орындарға ие болған Олимпиада жеңімпаздарына (I, II, III) дипломдар мен бағалы сыйлықтар табыс етілді. Демеуші Қазақстандық Маркетинг Қауымдастығы болды.

Олимпиада жоғары деңгейде өтті, қатысушылар риза болып, іс-шараны ұйымдастырушыларға алғыстарын білдірді.