«Туризм» ББ студенттерінің Наурыз мерекесіне орай Алматы облысының мұражайларына сапары

2025 жылғы 30 наурызда Туризм және қонақжайлылық жоғары мектебінің «Туризм» білім беру бағдарламасының 1-курс студенттері Наурыз мерекесіне орай Алматы облысының мұражайларына танымдық сапар жасады.

Экскурсия барысында олар Қаскелең қаласындағы «Анаға құрмет» мұражайы мен Қарасай ауданының тарихи-өлкетану мұражайына барды. Бұл мәдени мекемелер студенттерге Қазақстанның тарихы, дәстүрлері және көрнекті тұлғалары туралы құнды мәліметтер ұсынатын маңызды мәдени орталықтар болып табылады.

Осындай сапарлар студенттердің патриоттық сезімін қалыптастыруға, елдің мәдени мұрасына деген қызығушылығын арттыруға және туризм саласындағы болашақ мамандардың кәсіби құзыреттіліктерін дамытуға ықпал етеді.

Іс-шараны Туризм және қонақжайлылық жоғары мектебінің оқытушылары А.А. Эрегшов пен А.В. Величко ұйымдастырды. Олардың бастамашылдығы мен білім беру үдерісін жетілдіруге деген ұмтылысы студенттерге тек теориялық білім ғана емес, сонымен қатар құнды практикалық тәжірибе алуға мүмкіндік береді.