«Медиа контенттің цифрлық эволюциясы: шығармашылық пен алгоритмдер арасында»
Зерттеушілер, оқытушылар, медиа және креативті индустрия салаларының мамандары бірқатар өзекті мәселелерді: цифрлық технологиялар контент жасау үдерісін және оның өзін қалай өзгертетіні; бұл білім беру үдерісіне қалай әсер етеді және жасанды интеллект ықпалымен сыни ойлау қалай түрленеді; креативті индустрия арқылы шығармашылық ойлауды қалай дамытуға болатынын талқылау үшін жиналды.
«Біз қарқынды өзгеріп жатқан технологиялар әлемінде өмір сүріп жатырмыз, онда ірі державалар жасанды интеллектті дамытуда өзара бәсекелесуде, – деп атап өтті «Тұран» университетінің ректоры Рахман Алшанұлы Алшанов өзінің құттықтау сөзінде, – Қазақстан бұл үдерістен шет қалмауы тиіс. Жасанды интеллект адамның орнын басады деген қорқынышты ысырып тастау керек. Ең бастысы – оның әлеуетін тиімді пайдалану».
Кездесу барысында Мейіржан Әуелханұлының «Жасанды интеллект әліппесі» кітабы таныстырылды. Автор үш жыл бойы теорияның негізгі қағидаларын, заманауи технологиялардың базалық үлгілерін жинақтап, AI қолданудың тәжірибелік құралдарын сипаттауға арнаған.
NEO AI Solutions негізін қалаушы Айдын Маутан жиналғандарды уақытты босқа өткізбеуге және заманауи технологиялардың мүмкіндіктерін зерттеуге шақырды. Ол қазақстандық мамандардың өздері кейде олардың дамуына үлгермейтінін мойындады. Зерттеулерге сәйкес, жасанды интеллект әр он күн сайын жетілдіріліп отырады. Жаңа әзірлемелер мен терминдер пайда болады. Ал бүгін АҚШ-тың сала көшбасшыларына Қытай мамандары да қосылды, олар әлемге өздерінің үнемді шешімдерін ұсынады.
Шетелдік әріптестер білім беру процесінде жасанды интеллектті қолдану тәжірибесімен бөлісті. Аргентиналық Кристиан Ламберти Қазақстанда Абылай хан атындағы ҚазХҚжӘТУ-де роман тілдері кафедрасында испан тілінен сабақ береді. Ол нейрондық желілердің көмегімен көрнекі құралдар жасауға жүгінеді. ChatGpt оған әртүрлі тақырыптар бойынша диалог құруға көмектеседі. Аудармашы-студенттер жасанды интеллект арқылы жасалған испан тілінен ана тіліне аударма нұсқаларын талдайды.
Тағы бір шетелдік зерттеуші, Хангук университетінің PhD докторанты (Сеул, Оңтүстік Корея) Oh Sangho корейтануда цифрлық технологияларды қолдану туралы айтты. Ол да осы пәнді Абылай хан атындағы ҚазХҚжӘТУ-де оқытады. Оның айтуынша, Корей оқулықтары әрдайым технологиялық әдеріске ілесе бермейді. Ал студенттер өз міндеттерін шешуде ЖИ-ді жиі пайдаланады. Жағдайды жақсарту үшін білім беру үдерісіне әртүрлі білім беру бағыттары бойынша шексіз мүмкіндіктер жиынтығын ұсынатын K-MOOC тегін web-платформасы енгізілді.
Қытайдан келген Абылай хан атындағы ҚазХҚжӘТУ-дің Конфуций институты директорының орынбасары Ying Yang жасанды интеллект көптеген әкімшілік және білім беру үдерістерін тез өзгертіп жатқанына куә болды.
«Нетология» онлайн платформасының «жоғары білім» бағытының продюсері, Мәскеуден саяси ғылымдардың кандидаты Егор Королев де өз тәжірибесімен бөлісті.
Жалпы, дөңгелек үстел қатысушылары ЖИ құралдарын зерттеу қажет деген қорытындыға келді. Оларды пайдалану экологиялық таза болуы керек. Татьяна Затонская, PhD докторанты және «Тұран» университетінің оқытушысы интеграция әдісі тұрғысынан ChatGpt-ді неге жақсы көретінімізді түсіндірді: «бір жағынан, біздің миымыз жайлылық аймағында болғанды ұнатады және тез әрі дайын шешімдерді қолдануға дағдыланады. Екінші жағынан, жайлылық аймағында тым ұзақ болу оның дамуына жол бермейді. Сондықтан кейде осы аймақтан шығып, миыңызды күрделі когнитивті тапсырмалармен жүктеу керек. Әйтпесе, біз сыни тұрғыдан ойлау деңгейін төмендетіп, өз бетімізше ойлау және шешім қабылдау қабілетімізді жоғалту қаупі бар».
Тәжікстандағы Factcheck.tj платформасының негізін қалаушы Рустам Гулов мәселенің шешімін ЖИ құралдарын саналы түрде пайдалану және медиа сауаттылықты дамытуда көреді. Адам өз ойына орын қалдырып, миына белгілі бір қиындық деңгейін қоюы керек. Сондықтан жасанды интеллектті ақылмен қолданыңыз, сонымен қатар кітап оқып, шахмат ойнаңыз.
