«Тұран» университетіндегі Наурыз мерекесі

20 наурыз күні «Тұран» университетінде жылдың ең жарқын әрі жылы мерекелерінің бірі – Наурыз тойланды. Бұл шара студенттерді, оқытушыларды және қонақтарды жинап, барлығына көктемгі жаңару, достық пен мәдени байлықтың ерекше атмосферасын сыйлады.

Наурыз – бұл жай ғана күнтізбедегі күн емес, бұл – жаңа бастаманың, бейбітшілік пен берекенің нышаны. Осы күні университет тіріліп кеткендей болды: ұлттық әуендер ойнап, күлкі естіліп, айнала мерекелік көңіл-күйге толды. Мерекені жүргізушілер құттықтау сөздермен ашып, Наурыздың ұлт пен мәдениетке қарамастан барша халықты біріктіретінін атап өтті. Бұл – көне дәстүрлердің қазіргі заманда қайта жаңғырып, ақ тілектердің ақиқатқа айналар шағы.

Мерекенің шымылдығын көпшіліктің сүйікті Muslab ұйымының орындауындағы «Наурыз-Думан» атты музыкалық номер ашты. Ол бірден көктемгі көңіл-күй сыйлады. Есте қаларлық сәттердің бірі – Turan’s Trumps би ұжымының өнер көрсетуі болды. Концерттік бағдарламаның қорытындысы ретінде орындалған «Көктем вальсі» композициясы ояна бастаған табиғаттың сұлулығын еске салды.

Концерттен кейін барша қонақтарды қазақтың ұлттық ойындары күтіп тұрды: арқан тарту, асық ату сынды ойындарға қатысушылар ерекше қызығушылықпен атсалысты. Сонымен қатар, қонақтарға береке мен молшылықтың нышаны – хош иісті бауырсақ пен дәмді наурыз-көже ұсынылды.

Келесі кездескенше, достар!

Наурыз – бұл жай ғана мереке емес. Бұл – жыл сайын студенттер мен оқытушыларды біріктіріп, күнді қуаныш пен көктемнің жылулығына бөлейтін дәстүр. Келесі жылы мереке бұдан да жарқын өтетініне сенеміз, ал осы күнгі эмоциялар жүрегімізде ұзақ сақталады!