Тұран университеті Малайзияның Саравак университетімен (UNIMAS) меморандумға қол қойды

2025 жылы 17 сәуірде Тұран университетінде Universiti Malaysia Sarawak (UNIMAS) университетімен ынтымақтастық туралы меморандумға қол қоюға арналған кездесу мен салтанатты рәсім өтті. Оған Universiti Malaysia Sarawak ректоры, профессор Ахмад Хата Расит; UNIMAS Бизнес мектебінің басқарушы директоры, профессор Пуа Чин Хонг; UNIMAS Global халықаралық бөлімінің директоры, Тиан Фунг Фатт; сондай‑ақ вице‑канцлер кабинетінің атқарушы директоры, Мохд Хусаини Нурджая Чу қатысты.

Кездесу барысында тараптар білім беру және ғылыми-зерттеу саласындағы ынтымақтастықтың негізгі бағыттарын, бірлескен білім беру жобалары мен кәсіби даярлық бағдарламаларын жүзеге асыруды, сондай-ақ академиялық ұтқырлық пен студенттер алмасу перспективаларын талқылады.

Малайзия Саравак университеті (Universiti Malaysia Sarawak) – мемлекеттік коммерциялық емес жоғары оқу орны. UNIMAS Кучинг қаласында (Малайзия) орналасқан және елдегі ең жас университеттердің бірі болып саналады. Бұл оқу орны Британ Әміршіл университеттері қауымдастығының (Association of Commonwealth Universities, ACU) және Оңтүстік-Шығыс Азия жоғары оқу орындары қауымдастығының (Association of Southeast Asian Institutions of Higher Learning, ASAIHL) мүшесі. Университет QS халықаралық университеттер рейтингінде 1001‑орынды иеленді. Тәуелсіз Times Higher Education (THE) халықаралық рейтингі бойынша UNIMAS 13 түрлі көрсеткіш бойынша әлемдік деңгейдегі үздік университеттердің қатарында аталды.