«Ақпараттық жүйелер» білім беру бағдарламасының студенттері Turan Innovations 2025 финалында

2025 жылдың 16 сәуірінде «Тұран» университетінде Turan Innovations 2025 бизнес-жобалар жастар байқауының финалы өтті.

Turan Innovations байқауының мақсаты кәсіпкерлік белсенділікті арттыру және жастарды кәсіпкерлік ортаға тарту болып табылады.

2025 жылы байқауға университеттің әртүрлі білім беру бағдарламаларының 400-ге жуық студенті қатысып, 198 жобаны ұсынды. Ақпараттық технологиялар Жоғары мектебінен 6B06101 – Ақпараттық жүйелер білім беру бағдарламасының 29 студенті қатысып, 16 бизнес-жобаны ұсынды.

Біздің студенттердің 4 жобасы финалға өтті, оның 2-і жүлделі 3-орын алды:

1. Якупов Амир Курванович, Игумнов Владислав Евгеньевич және Совет Темірлан Еранұлының «Cyberfort» жобасы.
2. Студент Рахимбаева Әсел Балдайқызы мен Котова Анастасия Владимировнаның «Densalyq телемедицина қосымшасы» жобасы.

Балаларды лайықты жеңістерімен құттықтаймыз және олардың барлық бастамаларына табыс пен сәттілік тілейміз!