New Era

Жан дүниенің жаңғыруы: Shisai би ұйымының есеп беру концерті қалай өтті.

16 мамыр кеші әр көрерменнің жүрегінде мәңгілікке сақталады. Акт залында биге, достыққа және бірлікке өмірін арнаған жандар жиналды. «New Era» атты символикалық атауы бар есеп беру концерті кезекті кезеңнің соңғы нүктесі ғана емес, жаңа тараудың, жаңа дәуірдің бастауы болды.

Бұл кештің ішінде барлығы тоғысты: сахнаның энергиясы, қуаныш көз жасы, жүріп өткен жолға деген мақтаныш және болашақ алдындағы толқу. Бірақ бұл кештегі ең ерекше сәт – ұйым үшін тарихи оқиға – тұңғыш рет екі жылдық тарихында басшылықты салтанатты түрде табыстау рәсімі орын алды.

Сахна төрінде ұзақ уақыт бойы ұжымның жүрегі мен қозғаушы күші болған Нуруллаева Лунара мен Жандыбаева Дильназ шынайы қошемет астында басшылықты келесі буынға табыстады.

Ұйымның жаңа жетекшісі болып Габдуғалиева Жасмин (242(4), тағайындалды, ал қосалқы жетекші қызметіне Амангельдинова Шырайлым (231(4) келді.

Бұл тек өкілеттікті беру емес, бұл – сенімнің, махаббаттың және басталған істің жалғасуына деген үміттің актісі болды.

Концерт шынайы мерекелік атмосферада өтті. Әрбір қойылым – еркіндіктің, стильдің және өзін-өзі білдірудің манифестіндей болды. Би өнерпаздары жоғары техникамен қатар, шынайы эмоцияларын сахнадан көрерменге бүкпесіз жеткізді.

Кештің көркін көркейткен қонақтар – басқа университеттерден келген достар мен серіктестер:

• MDC (UIB)
• Shake (UIB)
• WayD (UIB)
• AIDAI (Абай университеті)
• «Тұран» университетінің Turan’s Trumps және Muslab ұйымдары.

Ұйым өз тарапынан ЖІК жетекшісі Алимов Мансурға барлық жол бойындағы қолдауы мен қатысушылардың дамуына қосқан үлесі үшін ерекше алғыс білдіреді.

«New Era» – бұл жай ғана атау емес. Бұл – мағына, бұл – рух. Бұл – осы күнге дейін атқарылған істің аяқталмағанын, оның жаңа адамдарда, жаңа идеяларда, жаңа қозғалыстарда өмір сүруін мойындау. Бұл дәуір жарқын, қуатты әрі нағыз шабыттандыратын болуға уәде береді.

Осы кештің бір бөлшегі болған барлық жанға алғыс айтамыз. Ұйымды құрғандарға, жалғастырып жатқандарға және жаңадан қосылғандарға рахмет. Би – бұл жай ғана өнер емес. Бұл – біздің жүрегіміз сөйлейтін тіл. Ал кеше ол басты нәрсені айтты: біз біргеміз. Біз жалғастырамыз.