«Университеттегі құжат айналымы жүйесіне қойылатын заманауи талаптар. Істерді қалыптастыру және ресімдеу» тақырыбына семинар-тренинг

2025 жылғы 13 маусымда «Университеттегі құжат айналымы жүйесіне қойылатын заманауи талаптар. Істерді қалыптастыру және ресімдеу» тақырыбында семинар-тренинг өтті. Іс-шара барысында «Туран» университетінде құжаттармен жұмыс тиімділігін арттыруға қатысты бірқатар өзекті мәселелер қаралды. Құжаттарды ресімдеу талаптарын сақтау мен құрылымды істер қалыптастырудың маңыздылығына ерекше назар аударылды. Бұл ұйымдық үдерістерді айтарлықтай жақсартуға және жұмыста ашықтықты қамтамасыз етуге мүмкіндік береді.

Тренинг теориялық және практикалық бөлімдерден тұрды. Қатысушылар жаңа нормативтік құжаттармен, істер номенклатурасын жүргізудің заманауи тәсілдерімен, сондай-ақ архивтік қорды қалыптастыру ережелерімен танысты. Мұндай формат құжат айналымы жүйесіне өзгерістерді дұрыс енгізу жолдарын тереңірек түсінуге, сондай-ақ университеттегі құжаттарды ресімдеуде жиі кездесетін қателерден аулақ болуға көмектесті.