Erasmus+ бағдарламасы бойынша Польшадан келген шетелдік профессордың сапары

2025 жылғы 23-27 маусым аралығында сыртқы академиялық ұтқырлық бағдарламасы бойынша “Тұран” университетіне Калиш университетінің (Польша) профессоры Бартош Спыхальский келді. Калиш университеті Erasmus + бағдарламасы бойынша “Тұран” университетінің стратегиялық серіктесі болып табылады. Сапар барысында профессор PhD докторанттарына “5s as a method of waste elimination in Lean Management concept”тақырыбы бойынша сабақтар өткізді. Поляк профессоры “Тұран” университетінің теориялық оқуын аяқтаған докторанттарға сертификаттар тапсыру рәсіміне қатысты, сондай-ақ Алматы қаласының бірқатар туристік көрікті жерлерін аралады.