Ректордың Қазақстан Республикасы – 2025 жылғы жазғы Универсиада жүлдегерлерімен кездесуі

2025 жылдың 21 тамызында «Тұран» университетінде Қазақстан Республикасының 2025 жылғы жазғы Универсиадасының жеңімпаздары мен жүлдегерлерімен Ректордың салтанатты кездесуі өтті. Іс-шара студенттердің ұлттық спорттық деңгейде университет атын абыроймен қорғаған еңбегін атап өту мақсатында жылы әрі шабыттандыратын атмосферада ұйымдастырылды.

Университет ректоры Алшанов Рахман Алшанович студенттердің ерік-жігеріне, табандылығына және спортқа адалдығына ризашылығын білдірді. Ол студенттердің спорттық жетістіктері университеттің имиджін нығайтып қана қоймай, өсіп келе жатқан ұрпақ үшін үлгі болып табылатынын ерекше атап өтті.

Кездесуде келесі студенттер марапатталды:

1. Нурлыхан Дәулет, «Құқықтану» мамандығының 4-курс студенті – грек- рим күресінен қола жүлдегер;
2. Тилек Бекнар, «Құқықтану» мамандығының 1-курс студенті – бокстан қола жүлдегер;
3. Жаксыбек Азамат, «Логистика» мамандығының 1-курс студенті – бокстан күміс жүлдегер.

Университеттің футзал құрамасының ойыншылары:

1. Ким Марк,
2. Ким Лев,
3. Улан Султан.

Жазғы Универсиаданың екінші легіне қатысушылар университетті келесі спорт түрлерінде таныстырды: футзал, бокс, грек-рим күресі және еркін күрес.

«Тұран» университеті өз студенттерімен мақтанады және жаңа жетістіктер мен жеңістерге жол ашу үшін студенттік спорттың дамуына қолдау көрсетуді жалғастырады!