«Тұран» университетінің студенттік ұйымдар жәрмеңкесі

8–12 қыркүйек аралығында «Тұран» университетінде жаңа оқу жылының жарқын бастамасына айналған дәстүрлі студенттік ұйымдар жәрмеңкесі өтті.

8 қыркүйек күні акт залында аптаның ашылуына арналған салтанатты концерт ұйымдастырылды. Бағдарлама барысында өзін таныстырған шығармашылық студенттік ұйымдар өз қызмет бағыттарының алуан түрлілігін көрсетті. Сахнада Студенттік кеңес пен Жастар ісі комитетінің атынан бірінші курс студенттеріне арналған құттықтау сөздер айтылды.

Студенттер Life Turan, Agitka Team, Enactus, Muslab, WakeUp, ASM, Жастар рухы, Turan’s Trumps, Jaidarman, Теаrt, Sirius, CyberUnit, Shisai, 711, UniBeat сынды ұйымдармен танысты. Әр команда өз жетістіктерін көрсетіп, жоспарларымен бөлісіп, жаңа қатысушыларды қатарларына шақырды.

9–12 қыркүйек аралығында университеттің бас кіреберісіндегі пандуста ұйымдар жәрмеңкесі өтті. Мұнда студенттер ұйым өкілдерімен тікелей сөйлесіп, сұрақтар қойып, қызықтырған ұйымдарға жазыла алды. Негізгі назар бірінші курс студенттеріне аударылды, өйткені ұйымдарға қатысу олар үшін жаңа мүмкіндіктерге жол ашады: көшбасшылық қасиеттерді дамыту, шығармашылық идеяларды жүзеге асыру, ғылыми, спорттық және әлеуметтік жобаларға қатысу.

Жәрмеңке өзара әрекеттесудің, танысудың және студенттерді белсенді университет өміріне тартудың маңызды алаңына айналды.

Іс-шараға шамамен мыңға жуық студент қатысты, жаңа жобалар мен бастамалардың басталуына серпін берді және «Тұран» университеті – тек сапалы білім ғана емес, сонымен қатар өзін-өзі жүзеге асырудың кең мүмкіндіктері бар орын екенін көрсетті.

Жаңа ұйымдарға қосылғандарға белсенді өсу, шығармашылық шабыт және өз әлеуетіне деген сенім тілейміз. Әр бастама табысқа апарар қадамға айналсын, ал сіздің қатысуыңыз студенттік өмірді одан әрі жарқын да мазмұнды етсін!

«Тұранның» белсенді студенттік өміріне қош келдіңіздер!