Бұл қалай өтті: Олеся Колесниченкомен кездесу

2025 жылғы 8 қазан, сәрсенбі күні, «Туран» университетінде Маркетологтар клубының кезекті кездесуі өтті. Іс-шара Қазақстан маркетинг қауымдастығының қолдауымен ашық форматта ұйымдастырылды.

Кездесу барысында қатысушылар кітаптың брендті ілгерілету құралы ретіндегі күшін талқылады. Спикер — Олеся Колесниченко, PR және маркетингтік коммуникациялар саласының сарапшысы, PR Guide агенттігінің директоры, үш бизнес-кітаптың авторы және халықаралық брендтердің кеңесшісі.

Олесся кітаптың жеке бренд үшін ұзақмерзімді активке айналатынын, ол жылдар бойы жұмыс істеп, сенім мен сараптамалық бедел қалыптастырып, жаңа мүмкіндіктер ашатынын айтты.

Сонымен қатар, ол кітап жазу тәртіп пен табандылықты қажет ететін жоба екенін атап өтті. Идеядан бастап жариялауға дейінгі бұл үдеріс мұқият жоспарлауды талап етеді. Кітап әрдайым бірден қаржылай табыс әкелмесе де, жеке брендтің өсуі, аудиторияның мойындауы және жаңа клиенттердің келуі сияқты нәтижелер арқылы өз құнын қайтарады.

Кездесу барысында қатысушылар мыналарды білді:

• кітап маманның кәсіби позициясын қалай нығайтатынын;
• брендті нативті түрде интеграциялаудың қандай тәсілдерін қолдануға болатынын;
• автор болу жолын неден бастау керектігін — идея мен құрылымнан бастап алғашқы нұсқаға дейін.

Олесяның басты кеңесі: «Бүгіннен бастаңыз. Егер өз тәжірибеңізді сөзге айналдырмасаңыз, әлем сіздің не үйрете алатыныңызды ешқашан білмейді».

Бізбен болғандарыңыз үшін рахмет — келесі маркетинг клубының іс-шараларында кездескенше!