Әйелдердің туризм саласындағы құқықтары мен мүмкіндіктерін кеңейту жөніндегі аймақтық конференция
2025 жылдың 22–23 қазанында Алматы қаласында БҰҰ Туризм ұйымының, Қазақстан Республикасының Туризм және спорт министрлігінің және Алматы қаласы Туризм бюросының қолдауымен «Әйелдердің туризм саласындағы құқықтары мен мүмкіндіктерін кеңейту жөніндегі аймақтық конференция» өтті.
Іс-шара туризм индустриясында гендерлік теңдік пен әйелдер көшбасшылығын дамытуға бағытталған пікір және тәжірибе алмасу алаңы болды. Конференция аясында келесі мазмұнды панельдік және пікірталас отырыстары ұйымдастырылды:
- Дөңгелек үстел: «Туризм саласындағы басшылықтағы гендерлік теңсіздік»
- Панельдік пікірталас: «Стереотиптермен күрес»
- Панельдік пікірталас: «Туризмдегі цифрлық теңсіздік»
- Панельдік пікірталас: «Алматы әйелдері көшбасшылыққа шығуда: туризмнің дамуына үлес қосқан әйелдердің тәжірибесі мен сабақтары»
Спикерлер қатарында Қазақстан, Орталық Азия және Еуропаның көрнекті әйелдері болды:
- Рашида Шайкенова ханым – «Kazakh Tourism» ұлттық компаниясы директорлар кеңесінің тәуелсіз директоры;
- Айша Мамбеталиева ханым – Қырғызстан Туроператорлар қауымдастығының президенті;
- Ажар Несіпбаева ханым – «Air Astana» авиакомпаниясының Airbus ұшағының екінші ұшқышы;
- Данна Карагусова ханым – кәсіпкер, Қазақстанның ғарышқа ұшқан алғашқы әйелі, «First Media Group» негізін қалаушы;
- Садағат Давудова ханым – Әзербайжан Туризм агенттігінің Қорықтарды басқару орталығы төрағасының орынбасары;
- Серен Гювен Гюрес ханым – БҰҰ Әйелдер ұйымының Қазақстандағы өкілдігінің басшысы;
- Ирмела Прайснер ханым – «Biblische Reisen» (Германия) компаниясының атқарушы директоры және басқалар.
Сонымен қатар Алматы қаласында туризм мен қалалық ортаны дамытуға белсенді үлес қосып жүрген әйелдердің қызметіне ерекше назар аударылды:
- Ада Дұссали ханым – Алматы альпинизм мектебінің басшысы, «SolQyz» әйелдер қауымдастығының негізін қалаушы;
- Әдия Қарсыбек ханым – урбанист және дизайнер;
- Анна Дегтярёва ханым – «Almaty TourStudio» компаниясының тең құрылтайшысы;
- Гүлзипа Қоянбаева ханым – «Almaty ElectroTrans» троллейбус паркі диспетчері;
- Светлана Ханинаева ханым – бас аспаз, «KazMyaso» компаниясының басқарушы серіктесі.
«Туран» университетінің Туризм және қонақжайлылық жоғары мектебінен конференцияға сениор-лектор Анастасия Викторовна Величко және «Туризм» білім беру бағдарламасының магистранты Айсулу Кенжебекова қатысты.
Сондай-ақ оқытушылар, магистранттар мен студенттер конференция аясында өткен «Туризмдегі гендерлік теңдік» атты семинар-тренингке қатысты. Семинар тұрақты және инклюзивті туризм саласындағы құзыреттерді дамытуға бағытталған болатын. Қатысушылар қатарында оқытушылар Бахытгүл Маратовна Демеуова, Анастасия Викторовна Величко, магистрант Айсулу Кенжебекова және «Туризм» мен «Мейрамхана ісі және қонақүй бизнесі» білім беру бағдарламаларының студенттері болды.
Мұндай іс-шаралар БҰҰ Тұрақты даму мақсаттарының (ТДМ) 5-міндеті – «Гендерлік теңдік» қағидатына сәйкес келеді және Қазақстанда туризм, білім беру және инновация салаларындағы әйелдердің рөлін нығайтуға ықпал етеді.
