2025 жылғы 17 қарашада «Туран» Университетінде Польшадағы Вроцлав Университетінің өкілімен кездесу өтті

«Туран» Университетінде Томаш Вашкельмен кездесу өтті. Ол Вроцлав Университетінің әлеуметтік ғылымдар факультетінің Халықаралық зерттеулер кафедрасының ассистент-профессоры, сондай-ақ Erasmus бағдарламасының өкілі болып табылады.

Кездесу барысында тараптар халықаралық зерттеулердің өзекті мәселелерін, академиялық ынтымақтастық мүмкіндіктерін, сондай-ақ «Туран» Университетінің студенттері мен оқытушыларының Erasmus бағдарламасына қатысу перспективаларын талқылады.

Кездесу «Туран» Университетінің халықаралық ғылыми және академиялық ынтымақтастықты дамытуға, білім мен тәжірибе алмасу мүмкіндіктерін кеңейтуге, сондай-ақ халықаралық білім беру бағдарламаларына қатысуға деген ұмтылысын көрсетті.