Тұран университеті «Білім және мансап – 2025» халықаралық көрмесіне қатысты
2025 жылдың 19-21 қарашасында Алматыда Тұран университетінің халықаралық ынтымақтастық басқармасы «Білім және мансап – 2025» халықаралық көрмесіне қатысты.
Университеттің көрмеге қатысуының негізгі мақсаты:
- Тұран университетінің халықаралық білім беру бағдарламаларын таныстыру;
- академиялық алмасуды дамыту және жаңа халықаралық серіктестерді тарту;
- абитуриенттер мен мамандарға шетелде оқу және тағылымдамадан өту мүмкіндіктері туралы ақпарат беру.
Көрме барысында халықаралық ынтымақтастық басқармасының қызметкерлері келесі мәселелер бойынша толық ақпарат берді:
- студенттер мен оқытушылар үшін академиялық ұтқырлық бағдарламалары;
- қос диплом бағдарламалары және бірлескен білім беру жобалары;
- халықаралық тағылымдамалар мен ғылыми-зерттеу бастамалары.
Мұндай халықаралық іс-шараларға қатысу жетекші шетелдік университеттермен байланыстарды нығайтуға, студенттердің білім алу мүмкіндіктерін кеңейтуге және Тұран университетінің жаһандық деңгейде бәсекеге қабілеттілігін арттыруға септігін тигізеді.
Тұран университеті халықаралық ынтымақтастықты белсенді дамыта беріп, студенттер, оқытушылар және зерттеушілер үшін жаңа мүмкіндіктер ашуда!
