Қонақ дәрісі: Банктік және қаржы саласындағы заңгер

27 қараша күні Құқық жоғары мектебінде «Банктік және қаржы саласындағы заңгер: шарттық қолдаудан және комплаенстан бастап, заңды құжаттарды әзірлеуде қаржылық сауаттылықты интеграциялауға дейін» тақырыбында мазмұнды әрі тәжірибеге бағытталған қонақ дәрісі өтті. Спикер – Home Credit Bank қызметін құқықтық қамтамасыз ету басқармасының бастығы Насимолдина Әсел Амангелдіқызы. Дәріс барысында банктегі шарттық жұмыстардың ерекшеліктері, қаржы ұйымдарындағы комплаенстың рөлі, банктік қызметті заңдық сүйемелдеудің практикалық қырлары және заңды құжаттарды әзірлеуде қаржылық сауаттылықтың маңызы жан-жақты түсіндірілді. Ерекше назар кәсіби тәжірибеден алынған нақты кейстерге және заманауи корпоративтік заңгерге қойылатын талаптарға аударылды. Іс-шараның модераторлары – заң ғылымдарының кандидаты, қауымдастырылған профессор И.Т. Мұсабекова, сениор-лектор К.Ә. Қәдірбай және заң ғылымдарының кандидаты, профессор К.А. Беков.