Заңгердің жолы: соттағы алғашқы қадам!

2025 жылғы 20 қарашада «Тұран» университетінің Құқық жоғары мектебінің қауымдастырылған профессоры Жугралина Б.М. жетекшілігімен «Құқықтану» білім беру бағдарламасының үшінші курс студенттері Алматы қаласының азаматтық істерді қарайтын Медеу аудандық сотына оқу экскурсиясын жасады. Іс-шара тәжірибеге бағытталған оқыту аясында ұйымдастырылып, студенттердің кәсіби білімін кеңейтуге және сот жүйесінің шынайы қызметімен таныстыруға бағытталды. Экскурсия барысында қатысушылар соттың жұмыс ұйымдастыруымен және азаматтық істерді қарау ерекшеліктерімен танысты. Судья Динара Бекенқызы Қуйқабаева мазмұнды кездесу өткізіп, сот жүйесінде жұмыс істегісі келетін кандидаттарға қойылатын талаптар, мүмкін карьерлік бағыттар және жұмысқа орналасу тәртібі туралы айтып берді. Сонымен қатар, сот қызметкері иеленуі тиіс кәсіби және жеке қасиеттерге – жауапкершілік, мұқияттылық, этикаға сай әрекет ету, құжаттармен жұмыс істей білу және іс жүргізу нормаларын сақтау – ерекше назар аударылды. Кездесу ашық диалог форматында өтті: студенттер өздерінің кәсіби қызығушылықтарымен бөлісіп, судья әр сұраққа жан-жақты жауап беріп, практикалық кеңестер берді. Экскурсия болашақ заңгерлердің кәсіби дайындығының маңызды бөлігі болып, студенттерге білімін кеңейтуге және университетті аяқтаған соң сот жүйесінде жұмысқа орналасу мүмкіндіктері туралы нақты түсінік алуға мүмкіндік берді.