Мемлекеттік және жергілікті басқару

Білім беру бағдарламасы: «Мемлекеттік және жергілікті басқару» — елдің болашағын қалыптастыратын мамандыққа бастайтын жол.
Біздің түлектер — жаңа буынның көшбасшылары, стратегтері және менеджерлері. Олар мемлекеттік деңгейде шешім қабылдап, тиімді басқару жүйелерін құра алады.

Осы бағдарлама бойынша экономика және бизнес бакалавры дәрежесін ала отырып, сіз жай ғана мамандық емес, басқару саласындағы сарапшы мәртебесін иеленесіз.

Сізді орталық және өңірлік мемлекеттік органдарда, квазимемлекеттік құрылымдарда, ірі компанияларда, холдингтер мен консалтингтік ұйымдарда мансаптық өсудің кең мүмкіндіктері күтеді.
Өзгерістер жасаңыз — қоғамның дамуын бізбен бірге басқарыңыз.

Шифр: 6B04102

Академиялық дәреже: бакалавриат

Оқу нысаны: күндізгі, қысқартылған күндізгі оқу түрі

Оқу мерзімі:

• орта білімнен кейін – 4 жыл
• техникалық және кәсіптік білімнен кейін – 3 жыл
• жоғары білімнен кейін – 2 жыл

1. Мемлекеттік басқару
   
   Бұл бағдарлама — мемлекеттің қалай жұмыс істейтінін түсініп, оның дамуына әсер еткісі келетіндер үшін арналған.
   «Мемлекеттік және жергілікті басқару» білім беру бағдарламасы билік жүйесі, экономика және менеджмент салаларында терең білім беріп, стратегиялық ойлау мен шешім қабылдау дағдыларын дамытады.

   Біздің түлектер Президент Әкімшілігінде, Парламентте, Үкіметте, сондай-ақ әртүрлі министрліктерде, ведомстволарда және агенттіктерде табысты жұмыс істейді — дәл сол жерде елдің болашағы қалыптасады.
   Сіз мемлекеттік аппараттың қалай ұйымдастырылғанын, үкіметтің экономикалық функцияларының қалай жүзеге асырылатынын және тиімді басқарушылық шешімдердің қалай жасалатынын үйренесіз.

   ㅤ

2. Аймақтық және жергілікті басқару
   
   Аймақтық және жергілікті басқару саласының мамандары маслихаттар мен әкімдіктердің қызмет ету тетіктерін, сондай-ақ түрлі деңгейлердегі өзін-өзі басқару процестерін зерттейді.

   Аймақтық басқарудың мақсаты — елдің кеңістіктік-аумақтық тұрғыдан орнықты экономикалық дамуын қамтамасыз ету, өндіргіш күштерді ұтымды орналастыру және халықтың өмір сүру деңгейін теңестіру.

   Жергілікті атқарушы органдардың қызметі кең ауқымды салаларды қамтиды: жер ресурстарын тиімді пайдалану, аумақтардың кешенді әлеуметтік-экономикалық дамуы, тұрғын үй-коммуналдық шаруашылығы мен инфрақұрылымды жетілдіру, білім беру, мәдениет, спорт және туризмді қолдау, сондай-ақ қоғамдық тәртіп пен қоршаған ортаны қорғау.

Теория тәжірибеде өмірге енеді!

«Мемлекеттік және жергілікті басқару» бағдарламасының студенттері әкімдіктерде, мәслихаттарда, министрліктерде, қоғамдық ұйымдар мен бизнес-құрылымдарда тәжірибеден өтіп, нақты шешім қабылдауды және басқару тетіктерінің қалай жұмыс істейтінін ішінен көруді үйренеді.

Бағдарлама экономикадағы, саясаттағы және қоғамдағы өзгерістерді ескере отырып, үнемі жаңартылып отырады, бұл түлектердің еңбек нарығында сұранысқа ие әрі бәсекеге қабілетті болуын қамтамасыз етеді.

«Тұран» университеті стратегиялық ойлауды, аналитикалық қабілетті және заманауи басқарушылық тәжірибені ұштастыра білетін жаңа буын көшбасшыларын даярлайды.

• мемлекеттік, аймақтық және жергілікті басқару органдарының қызметін ұйымдастыруға;
• қоғамдағы қатынастарды реттейтін және маманның іскерлік этикасын айқындайтын құқықтық және этикалық нормаларды білуге;
• мемлекеттің экономикалық саясатын іске асыру үдерісін ұйымдастыруға;
• мемлекеттік реттеу мен экономикалық жоспарлаудың шетелдік тәжірибесін қолдануға;
• аймақтық саясатты іске асыру мақсатында өндіргіш күштерді оңтайлы орналастыруға;
• облыстардың, аймақтардың, қалалардың және қалалық аудандардың экономикалық және әлеуметтік дамуының кешенді жоспарларын әзірлеуге қатысуға;
• заманауи білім беру технологияларын пайдалана отырып, білімді меңгеру және жаңартуға;
• өндірістік және басқарушылық қызмет дағдыларын дамытуға;
• ұлттық экономиканы, оның салалары мен аймақтарын тиімді басқару жүйесін құруға атсалысуға;
• халық шаруашылығының мәселелерін үйлестіруге, экономиканың тиімді теңгерімділігі мен тұрақтылығын қамтамасыз етуге;
• басқару, экономика және бизнес саласында ақпарат жинау, жүйелеу және талдау дағдыларын игеруге;
• кәсіби қызмет мәселелері бойынша анықтамалар мен талдамалық шолулар дайындауға.

• Мемлекеттік басқару теориясы
• Экономиканы мемлекеттік реттеу
• Мемлекеттік-жекеменшік әріптестік
• Агломерациялық үдерістерді басқару
• Smart city (Ақылды қала)
• Мемлекеттік қызметті ұйымдастыру
• Аймақтық экономика және басқару
• Мемлекеттік басқарудағы стратегиялық жоспарлау және бюджеттік үдерістер
• Қазақстан Республикасының мемлекеттік саясаты
• Аймақтық жоспарлау және болжау

Халықаралық серіктестер:

• Циттау–Герлитц қолданбалы ғылымдар университеті, Германия
• Varna Economic University, Болгария
• «Үштік спираль» халықаралық қауымдастығы, Ломоносов атындағы Мәскеу мемлекеттік университетінің экономика факультеті (Ресей)
• Berjaya University, College of Hospitality, Малайзия
• Istanbul Arel University, Түркия
• Kastamonu University, Түркия
• Ельцин атындағы Қырғыз–Ресей Славян университеті
• Latvia Business College, Латвия
• Virginia International University, АҚШ
• Erzincan University, Түркия
• Kent State University, АҚШ
• St. Gallen University, Швейцария

Екі дәрежелі бағдарламалар:

• Latvia Business College
• Istanbul Arel University, Түркия

Академиялық ұтқырлық бағдарламалары:

• Жалал-Абад мемлекеттік университеті, Қырғыз Республикасы, Жалал-Абад қ.
• Әлемдік экономика және қаржы институты, Астрахань қ., Ресей Федерациясы
• Басқару және бизнес институты, Ж. Баласагин атындағы Қырғыз ұлттық университеті, Қырғыз Республикасы
• Kastamonu University, Түркия
• Varna Economic University, Болгария

Мемлекеттік және жергілікті басқару – елдің дамуына ықпал етіп, өз еңбегінің нәтижесін көргісі келетіндерге арналған мамандық.
Біздің түлектер Президент Әкімшілігінде, Парламентте, Үкіметте, министрліктер мен әкімдіктерде, сондай-ақ ұлттық және жеке компанияларда, яғни мемлекеттік деңгейдегі шешімдер қабылданатын орындарда табысты еңбек етеді.

Бұл мамандық бойынша бакалавр – жан-жақты басқарушы: ол талдаушы, менеджер, сарапшы немесе зерттеуші бола алады. Оның құзыреттері қаржы-кредит, әлеуметтік, білім беру және экономикалық салаларда жоғары сұранысқа ие.

Егер саған көшбасшылық, жүйелі ойлау және өзгерістерге ұмтылыс тән болса, бұл мамандық сенің мансаптық өсуіңнің кілті болмақ – жергілікті басқару деңгейінен бастап мемлекеттік қызметке дейін.
Ал басқарушылық биіктерді бағындыруды көздегендер үшін келесі қисынды қадам – мемлекеттік басқару бағытындағы магистратура.