Халықаралық аккредиттеу

2021 жылғы мамыр-желтоқсан аралығында Университет ACQUIN агенттігінің (Германия) Бағдарламалық және Институционалдық Халықаралық аккредиттеуінен өту процесінде болды.

Сонымен қатар, 2021 жылғы 9 маусымда аккредиттеуге дайындық барысында 64 қызметкер оқып, ACQUIN агенттігінің «International institutional and programme accreditation: Criteria and Self-assessment Report» семинарынан өткені туралы сертификаттар алды.

Көрсетілген уақыт ішінде аккредиттеу агенттігін таңдау, ағылшын және орыс тілдерінде 3 есеп дайындау, кафедраларды, құрылымдық бөлімшелерді, ПОҚ, білім алушылар, түлектерді әңгімелесуден өтуге дайындау, аккредиттеуден кейінгі кезеңнің құжаттарын дайындау бойынша белгілі бір жұмыстар жүргізілді.

Нәтижесінде, университет міндеттемелерсіз институционалдық аккредиттеуден сәтті өту туралы сарапшылардың алдын ала қорытындысын алды және наурыз айында бағдарламалық аккредиттеудің нәтижелері күтіледі.