International program for foreigners

Егер сіз Қазақстанда сапалы жоғары білім алуды жоспарлап отырсаңыз, бірақ қазақ/орыс тілдерін мүлде білмесеңіз немесе жеткіліксіз деңгейде меңгерген болсаңыз, сізге «Тұран» университетінің Дайындық орталығында оқудан өтуді ұсынамыз.

Дайындық орталығында шет тілдерін (ағылшын, қытай, түрік және т.б.) меңгерген үздік оқытушылар жұмыс істейді. Олар қазақ және орыс тілдік әрі мәдени ортасына жайлы әрі қарқынды бойлау мүмкіндігін жасайды.

Дайындық орталығы шетел азаматтарына қазақ және орыс тілдерін үйрену бойынша курстардан өткенін растайтын «Тұран» университетінің сертификатын алуға мүмкіндік береді.

БІЗДІҢ АРТЫҚШЫЛЫҚТАРЫМЫЗ

Қазақ/орыс тілін шет тілі ретінде және жалпы білім беретін пәндерді оқыту барысында әрбір тыңдаушының даралығын ашу.

Университеттің әлеуметтік және зияткерлік ортасына, Алматы мегаполисіне және Қазақстанға социомәдени бейімделу.

Тыңдаушылардың жан-жақты дамыған тұлға және кәсіби маман болып қалыптасуы үшін интеллектуалдық және шығармашылық қабілеттерін дамыту.

Оқытудағы сабақтастықты қамтамасыз ету және контингентті сақтау мақсатында шетелдік тыңдаушыларды университеттің негізгі білім беру бағдарламаларына интеграциялаудың педагогикалық жүйесін әзірлеу.

ӘДІСТЕМЕ:

Шетелдік тыңдаушыларды «Тұран» университетінің білім беру бағдарламаларында оқуға даярлау Дайындық орталығы аясында жүзеге асырылады. Оқыту нөлден бастап тілдік дайындықты, сондай-ақ болашақ мамандықтың қажетті пәндері бойынша дайындықты қамтиды.

Оқудың стандартты ұзақтығы: 9 ай (бір оқу жылы)
Аудиториялық жүктеме: аптасына 8 сағат (жылына 16 кредит) немесе аптасына 4 сағат (жылына 8 кредит)
Топ көлемі: 8–10 студент әртүрлі елдерден
Дайындық орталығы тыңдаушылардың жеке қажеттіліктеріне бейімделген, икемді білім беру траекторияларын қамтамасыз ететін вариативті оқыту моделін жүзеге асырады.

Сауалнама толтыру

Foundation студенттеріне арналған Гайд

Фотогалерея