Аймақтық зерттеулер орталығы көрнекті түрколог Ахмет-Заки Валиди Тоғанға арналған халықаралық дөңгелек үстел өткізді
«Тұран» университетінің Өңірлік зерттеулер орталығы Түркі халықтары мәдениеті қорының қатысуымен «Ахмет-Заки Валиди Тоганның түркі халықтарының тарихы мен мәдениетін зерттеуге қосқан үлесі» атты халықаралық дөңгелек үстел ұйымдастырды. Дөңгелек үстелдің мақсаты – әлемге танымал башқұрт тарихшысы, шығыстанушы Ахмет-Заки Валиди Тоганның бай ғылыми мұрасын, оның еңбектерінің Орталық Азияның зияткерлік тарихы үшін маңызын талқылау болды.
Ахмет-Заки Валиди Тоганның қаламынан түркі халықтарының тарихы мен мәдениетіне қатысты 400-ден астам ғылыми еңбек шыққан, олардың ішінде «Түріктер тарихы», «Түріктердің жалпы тарихына кіріспе», «Қазіргі Түркістан және оның жақын тарихы» сияқты жинақтаушы еңбектері бар. Оның ізденістері мен жаңалықтарының арқасында бұрын ғылымға беймәлім болған көптеген қолжазба еңбектер ғылыми айналымға енгізілді, бұл түркітану ғылымының дамуына және түркі халықтарының рухани мұрасын сақтауға елеулі үлес қосты.
Ахмет-Заки Валиди Тоганның есімі бірқатар маңызды нысандарда мәңгілікке қалдырылған, әсіресе Ресей Федерациясындағы Башқұртстан Республикасының астанасы Уфа қаласында оның есімімен Уфадағы ең ірі ұлттық кітапхана, ғылыми институттар, білім беру мекемелері, сондай-ақ қалалық көшелер мен ескерткіштер аталады.
Дөңгелек үстелдің жұмысын «Тұран» университетінің стратегиялық даму, ғылым және инновациялар жөніндегі проректоры, профессор Разакова Д.И. мен Халықаралық қатынастар жоғары мектебінің директоры, доктор Нышанбаев Н.К. ашты. Қатысушыларды экономика ғылымдарының докторы, қоғам қайраткері әрі ақын Нурманов А.А. және Түркі халықтары мәдениеті қорының төрағасы, профессор Ахмет Догдуран құттықтады.
Дөңгелек үстел барысында М.О. Әуезов атындағы Әдебиет және өнер институтының бас ғылыми қызметкері, филология ғылымдарының докторы Хамраев А.Т., Ш. Уәлиханов атындағы Көкшетау университетінің тарих ғылымдарының докторы Буканова Р.Г., Алтай мемлекеттік медицина университетінің тарих кафедрасының меңгерушісі, тарих ғылымдарының кандидаты Аюпов Т.М., «Тұран» университетінің Аймақтық зерттеулер орталығының ғылыми тағылымдамашысы Тугрул Кескин, Стамбұл университеті Әлеуметтік ғылымдар институтының жалпы түркі тарихы кафедрасының магистранты Махсутов А., саясаттану ғылымдарының докторы Хамраев Х.К., «Тұран» университетінің профессоры Камалов А.К. баяндамалар жасады.
Дөңгелек үстел жұмысына Қазақстан, Қырғызстан, Ресей, Әзербайжан және Түркиядан келген зерттеушілер, сондай-ақ «Тұран» университетінің оқытушылары мен студенттері қатысты. Кездесу әртүрлі елдердің ғалымдары арасындағы ғылыми диалогты дамытуға, пікір алмасуға және ынтымақтастықты нығайтуға арналған маңызды алаңға айналды.
Дөңгелек үстелдің қорытынды қарарында Ахмет-Заки Валиди Тоганның ғылыми еңбектерін қазақ тіліне аудару қажеттілігі атап өтіліп, Алматы қаласы әкімдігіне және басқа да мемлекеттік органдарға башқұрт түркологының есімін қала көшелерінің біріне беру туралы ұсыныс жолдау жөнінде бастама көтерілді.
Дөңгелек үстел «Орталық Азияның мәдени кеңістігі» бағдарламасы аясында ұйымдастырылды. Бағдарламаны тарих ғылымдарының докторы, профессор Камалов А.К. жетекшілігімен «Тұран» университетінің Аймақтық зерттеулер орталығы жүзеге асыруда. Орталықтың негізгі серіктесі – директоры Махпиров К.Н. басқаратын «Тұран дүниәси» түркі халықтары мәдениеті қоры болды.
