Аймақтық зерттеулер орталығы
«Аймақтық зерттеулер орталығының» (АЗО) директоры
т.ғ.д.,профессор, Орталық-еуразиялық зерттеу қоғамының президенті (АҚШ)
050013 Қазақстан Республикасы, Алматы қ., Сәтпаев к-сі, 16-А
Телефон: +7 727 260-40-29
Электронды пошта: a.kamalov@turan.edu-kz
Аймақтық зерттеу орталығы 2020 жылы аймақтану және халықаралық қатынастар мәселелерін зерттеу және университеттің білім беру бағдарламаларының академиялық құрамдас бөлігін нығайту үшін құрылған.
Өткізілетін күндері: 6-9 маусым 2024 ж.
Өткізу форматы: офлайн
Конференцияның жұмыс тілі: ағылшын тілі
Өтетін орны: Алматы қ., Сәтпаев к-сі, 16-А
«Тұран» университеті Орталық Еуразиялық зерттеулер қауымдастығының (Central Eurasian Studies Society / CESS) жыл сайынғы халықаралық конференциясын өткізеді. Бұл маңызды оқиға аталмыш ұйымның Солтүстік Америкадан тыс, Орталық Еуразия аймағында өтетін алғашқы жыл сайынғы конференциясы болмақ. «Тұран» университеті өзін Қазақстандағы жетекші жоғары оқу орындарының бірі ретінде ұсына отырып, осы жаһандық кәсіби ұйымның конференциясын өз қабырғасында өткізуді мақтан тұтады.
2000 жылдан бастап CESS конференциялары Солтүстік Америка университеттерінде және Орталық Еуразия университеттерінде аймақтық форматта өткізіліп келеді. Бұл Орталық Еуразияның өткені мен бүгінінің мәселелерімен айналысатын бүкіл әлем ғалымдары мен мамандары үшін қарым-қатынас пен пікір алмасу алаңына айналды.
Орталық Еуразиялық зерттеулер қауымдастығы – Орталық Азия мемлекеттерімен қатар (Қазақстан, Өзбекстан, Қырғызстан, Тәжікстан, Түрікменстан), Орталық Еуразияның Иран, Ауғанстан, Моңғолия, Кавказ, Оңтүстік Сібір, Еділ бойы, сондай-ақ Шығыс және Орталық Еуропа және басқа да іргелес аймақтарын қамтитын – аймақтың тарихы, мәдениеті және заманауи даму саласының ғалымдары мен сарапшыларын біріктіретін үкіметтік емес ұйым. CESS Орталық Еуразия ғалымдарының өзара байланысы мен ынтымақтастығын ілгерілетуге, академиялық білім деңгейін арттыруға және аймақтағы білім беруді дамытуға, жалпы білім мен аймаққа деген қоғамдық қызығушылықты әлемге жариялауға және таратуға бағытталған.
«Тұран» университеті барлық ғалымдар мен сарапшыларды Орталық Еуразияны зерттейтін гуманитарлық және әлеуметтік пәндерге үлес қосуға шақырады. Орталық Еуразиялық зерттеулер қауымдастығының конференциясы аясында Орталық Еуразия елдері мен халықтарының тарихы, мәдениеті және қазіргі заманғы дамуы мәселелері бойынша 130-дан астам отырыс өткізіледі, сондай-ақ аймақ туралы жаңа басылымдарды талқылаумен қоса өзекті ғылыми мәселелер бойынша дөңгелек үстелдер ұйымдастырылатын болады. Конференция қатысушыларына оларды Қазақстан мен Орталық Азия мәдениетімен таныстыратын мәдени іс-шаралар мен бағдарламалар ұсынылады.
Конференцияда әлемнің түкпір-түкпірінен (АҚШ, Канада, Орталық Азия және Еуропа елдері, Қытай, Үндістан және т.б.) келген 450-ден астам ғалым баяндама жасайды. Негізгі спикерлер кеңестік Қазақстан тарихының белгілі маманы, Мэриленд университетінің профессоры Сара Камерон және қазақстандық жетекші кинотанушы, өнертану ғылымының докторы, Тұран университетінің профессоры Абикеева Гульнара Ойратовна болады.
ПРОФЕССОР САРА КАМЕРОН (МЭРИЛЭНД УНИВЕРСИТЕТІ, АҚШ)
Күні: 7 маусым 2024 жыл
Уақыты: 16:45-17:45
Өтетін орны: Мәжіліс залы
Сара Камерон – АҚШ, Парк колледжі, Мэриленд университетінің тарих профессоры (Йель университетінде диссертациясын қорғаған). Профессордың ғылыми қызығушылығы геноцид және адамзатқа қарсы қылмыстар, қоршаған орта тарихы, қоғам тарихы және Орталық Азия мәдениеті мәселелерін қамтиды. Қазіргі уақытта Сара Камерон Орталық Азиядағы Арал теңізінің кебуінің себептері мен салдары туралы баяндайтын “Арал: теңіздің өмірі мен өлімі” кітабымен жұмыс істеуде. Ол сталиндік режимнің қылмыстарының бірі – 1930 жылдардағы аштықты зерттейтін “Аштық даласы: Кеңестік Қазақстанның ашаршылығы, зорлық-зомбылығы және қалыптасуы” (Корнелл университетінің баспасы, 2018) кітабының авторы. Кітап АҚШ-та көптеген марапаттарға ие болып, қазақ, орыс, украин тілдеріне аударылған. Сара Камеронның зерттеулері Карнеги корпорациясының, Вудро Уилсон орталығының, Дэвистің Принстондағы тарихи зерттеулер орталығының және т.б. қолдауына ие болды.
ПРОФЕССОР ГҮЛНАРА О.ӘБІКЕЕВА (ТҰРАН УНИВЕРСИТЕТІ, ҚАЗАҚСТАН)
Күні: 8 маусым 2024 жыл
Уақыты: 16:45–17:45
Өтетін орны: Мәжіліс залы
Баяндаманың тақырыбы: «Неліктен кино саласында Кеңес өкіметінің орнатылуы Орталық Азия елдерінің тәуелсіздік алуының отыз жылдығында қайта қаралып жатыр?”
Баяндаманың мазмұны: Бұл үдерістің алғашқы толқыны Орталық Азия киносында 1990 жылдары орын алып, кейіннен жиырма жылдық үзіліске ие болды. Соңғы екі-үш жылда бұл тақырып бірнеше бағытта қайта өрбіді. «Шығыс әйелінің азаттығы» кеңестік идеологиясын қайта қарастыру өзбектің «Фариданың екі мың әні» фильмінде және қазақтың «Талақ» фильмінде кездеседі. Қазақстандағы ашаршылық тақырыбы «Қаш» және «Жел тоқтаған жер» фильмдерінде көрініс тапқан. Ал индустрияландыру үрдісі «Қаныш» фильмінде бейнеленген. Тарихтың қайта қаралып, режиссерлердің белсенділік танытуының себебі неде?
Абикеева Гульнара – Алматыдағы “Тұран” университетінің профессоры. Қазақстан мен Орталық Азия елдері жайлы баяндайтын кино туралы он екі кітаптың авторы. “Қазақстандағы және Орталық Азияның басқа мемлекеттеріндегі ұлттық құрылыс пен оның кинематографиядағы көрінісі” (2006) атты кітабы «Құлагер» ұлттық сыйлығының лауреаты атанды. Еңбектері “Орталық Азиядағы кино” атты халықаралық басылымдардың қатарына енген. Майкл Руланд пен Биргит Беймерс – “Мәдениет тарихын қайта жазу” туындысын, ал Ким Джи Сок “Орталық Азия киносының белгісіз жаңа толқыны” еңбектерін өңдеген.
Университеттің инновациялық-кәсіпкерлік қызметі аясында өткен тарихтағы және қазіргі кезеңдегі аймақтық даму мәселелері бойынша ғылыми-қолданбалы зерттеулер жүргізу.
- Аймақтық дамудың теориясы мен практикасы мәселелерін әзірлеу.
- Аймақтық даму жөніндегі бастамаларды бірлесіп жобалау және іске асыру үшін мемлекеттік билік органдарымен және жергілікті атқарушы органдармен, бизнеспен, кәсіптік қауымдастықтармен және басқа да мүдделі тараптармен ынтымақтастық орнату.
- ПОҚ пен университет студенттерінің білім беру, ғылыми-әдістемелік, инновациялық және кәсіпкерлік қызметін интеграциялау.
- «Аймақтану» және «Халықаралық қатынастар» білім беру бағдарламаларының (ББ) мазмұндық компонентін әзірлеу.
- Орталық қызметін дамытуға бюджеттен тыс қаражатты тарту.
- Ғылыми басылымдар және авторлық құқықтың басқа да объектілері түріндегі ғылыми, инновациялық және басқа да құралдарды жасау.
- Орталық қызметі шеңберінде бастамаларды бірлесіп әзірлеу және жүзеге асыру үшін халықаралық ынтымақтастықты дамыту.
- Орталықтың ғылыми-зерттеу, сараптамалық-зерттеу жобалары шеңберінде ғылыми-әдістемелік, консультациялық, сараптамалық және басқа да қызмет түрлерін көрсету.
- Қазақстан аймақтарының тарихи, мәдени, әлеуметтік дамуы және олардың шет елдермен байланысу мәселелері бойынша аймақтық дамудың теориялық және қолданбалы зерттеулерін жүргізу және жобаларды жүзеге асыру.
- Семинарлар, конференциялар, симпозиумдар, дөңгелек үстелдер және т.б. ұйымдастыру арқылы Орталық Азия аймағының және Еуразияның іргелес бөліктерінің тарихи және заманауи дамуының өзекті мәселелерін талқылау алаңын құру.
- Аймақтану және халықаралық қатынастар бойынша бастамаларды бірлесіп әзірлеу және жүзеге асыру үшін халықаралық ынтымақтастықты дамыту.
- «1950–1970 жылдардағы Қытайдан Қазақстанға көші-қонның ауызша тарихы» (2020–2022 жж.)
Қазақстан Республикасы Білім және ғылым министрлігінің гранттық қаржыландыру жобасы. Ауызша тарих саласындағы зерттеу әдістемесі бойынша семинарлар. Нәтижелерді жоғары импакт-факторы бар журналдарда жариялау (Scopus, Web of Science). Ұжымдық монографияның жариялануы. Индиана университетінің (Блумингтон қ., АҚШ) зерттеушісінің қатысуы. Ғылыми жетекшісі: А.К. Камалов. - Ресей-Украина қақтығысы жағдайында қазақстандықтардың азаматтық бірегейлігін қалыптастыру ерекшеліктері (2022–2024 жж.)
Жас ғалымдардың зерттеулерін гранттық қаржыландыру жобасы «Жас ғалым» (Э.Б. Асылтаева) - Қандастарды қазақстандық қоғамға интеграциялаудың сәйкестендіру аспектілері (2023–2025 жж.)
Жас ғалымдардың зерттеулерін гранттық қаржыландыру жобасы «Жас ғалым» (Б. Шакеева)
Towards alternative model of cultural heritage: mashraps in Kazakhstan (2018–2022 жж.)
Британ академиясының қаржылық қолдауымен Лондон университетімен бірлескен жоба. Серіктес – Лондон университетінің шығыстану және африканистика мектебі (проф. Рейчел Харрис). Нәтижелерді жоғары импакт-факторы бар журналдарда (Scopus) жариялау, деректі фильм жасау, семинарлар мен дөңгелек үстелдер өткізу, Қазақстан халқы Ассамблеясымен ынтымақтастық орнату.
- Лондон университетінің шығыстану және африканистика мектебі, Ұлыбритания
- Индиана университетінің Еуразиялық зерттеулер департаменті, Блумингтон, АҚШ
- Халықаралық Түркі Академиясы, Астана
- ҚР БҒМ ҒК Р.Б. Сүлейменов атындағы Шығыстану институты
- ҚР БҒМ ҒК философия, саясаттану және дінтану институты
- «Туран дуняси» түркі халықтарының мәдениет қоры
- Мәдениет халықаралық ғылыми-зерттеу институты
- Қазақстандық гуманитарлық-саяси конъюнктура орталығы
