Ұзынағаш мектептеріндегі Жоғары Құқық Мектебі оқытушыларының кәсіптік бағдарлау жұмысы

14 наурызда Құқық жоғары мектебінің оқытушылары Г.Ш. Ааталықова мен Ж.С. Дүйсебаев Алматы облысының Ұзынағаш ауылындағы мектептерінде болып, 11-сынып түлектері үшін кәсіптік бағдарлау жұмыстарын жүргізді. Кездесулер келесі оқу орындарында өтті: № 1 мектеп-лицей, Сейдахмет Бердіқұлов атындағы мектеп, № 2 мамандандырылған лицей. Болашақ түлектерге Құқық жоғары мектебінде оқу мүмкіндіктері, оның білім беру бағдарламалары, заңгерлік білім алудың артықшылықтары және жұмысқа орналасу перспективалары туралы айтылды. Оқушылар өздерін қызықтырған сұрақтарын қойып, заңгер мамандығы туралы пайдалы ақпарат алып, студенттік өмірі туралы көбірек біле алды. Мұндай кездесулер түлектерге болашақ кәсібін таңдауға және табысты мансап жолына сенімді қадам жасауға көмектеседі.