Тұран университетінде «Туранбике» спектаклі қойылды

14 қараша күні «Тұран» университетінің студенттік «Teart» ұйымы көпшілікке ерекше мәдени шара – «Туранбике» атты театралдық қойылымды ұсынды. Бұл спектакль биыл университеттің шығармашылық ұжымдары жүзеге асырған ең ауқымды жобалардың бірі болып саналады.

Шараға «Тұран» университетінің ректоры, оқу орнының басшылығы, сондай-ақ студенттер мен Алматыдағы бірнеше жоғары оқу орындарының өкілдері құрметті қонақ ретінде қатысты. Әр университеттен келген делегациялар қойылымды қызығушылықпен тамашалап, тұрандық студенттердің театр өнеріне деген кәсіби көзқарасын жоғары бағалады.

«Туранбике» – әлемдік классиканың маңызды туындыларының бірі. Университеттің театр студиясы бұл шығарманы заманауи тұрғыда қайта түсіндіріп, қазақы контекске бейімдеп, көрерменге ұлттық реңктері бар қойылым ұсынды. Студенттердің актерлік шеберлігі, музыкалық сүйемелдеу, костюмдер мен сахналық безендіру көрермендерді тәнті етті.

Біздің университеттің театр ұйымы жыл сайын түрлі жанрдағы қойылымдар дайындап, студенттердің шығармашылық әлеуетін дамытуда маңызды рөл атқарады. Клубтың жас актерлері кәсіби мамандармен бірлесе жұмыс істеп, университеттің мәдени өмірін жандандырып келеді. Сонымен қатар, «Teart» студенттік ұйымы университет ішіндегі іс-шаралармен қатар, қалалық мәдени жобаларға да белсенді қатысады.

Кеш соңында қонақтар студенттерге атқарған жұмысы үшін алғыс айтып, қойылымның жоғары деңгейде өткенін атап өтті. Университет ректоры студенттердің еңбегін ерекше бағалап, болашақта да шығармашылық жобаларды қолдауға дайын екенін жеткізді.

«Туранбике» спектаклі «Тұран» университетіндегі мәдениет пен өнерді дамыту жолындағы тағы бір жарқын кезеңге айналды.