Тұран университетінің қызметкерлеріне арналған «Болашақ» ХБО онлайн-брифингі
«Тұран» университетінің қызметкерлері мен профессорлық-оқытушылар құрамы арасында «Болашақ» бағдарламасының мүмкіндіктерін кеңінен ақпараттық қамту мақсатында 2022 жылғы 22 маусымда «Болашақ» стипендиясын тағайындау ережелері мен шарттарын егжей-тегжейлі түсіндіруге арналған онлайн-брифинг өтті.
«Болашақ» ХБО конкурстық рәсімдерді ұйымдастыру бөлімінің өкілдері тағылымдамадан өту бағдарламалары, негізгі талаптар мен құжаттарды тапсыру мерзімдері туралы презентация өткізді. «Тұран» қызметкерлері «Болашақ» ХБО барлық керекті сұрақтарын қойып, егжей-тегжейлі түсініктеме ала алды.
«Болашақ» бағдарламасы бойынша тағылымдамадан өту конкурсына қатысу үшін құжаттарды қабылдау 2022 жылдың 5 қыркүйегі мен 14 желтоқсаны аралығында жүргізілетінін еске саламыз.
Қатысу үшін сізге қажет:
- тағылымдамадан өтуші шетелдік ұйымның шартсыз шақыруының болуы (қаржылық жағдайларды қоспағанда);
- таңдалған мамандық бойынша соңғы 12 (он екі) айды қоса алғанда, кемінде 3 (үш) жыл жалпы жұмыс өтілі;
- В1 деңгейінен төмен емес нәтижемен мемлекеттік тіл емтиханын тапсыру туралы сертификаттың болуы;
- бакалавр немесе маман дипломының орташа балы есепке алынбайды.
