«Trud» — 2026 жалпыұлттық диктантына қатысушыларды салтанатты марапаттау

14 мамыр күні Тұран университетінің қабырғасында «TRUD» — 2026 жалпыұлттық диктантына қатысушыларды салтанатты марапаттау рәсімі өтті.

Жалпыұлттық диктант 18 сәуір күні өткізіліп, Тұран университетінде орыс тілін меңгеріп жатқан «Foundation» жоғары оқу орнына дейінгі дайындық орталығының Түркия, АҚШ, Оман, Вьетнам, Ұлыбритания, Нигерия, Франция және Оңтүстік Африка Республикасынан келген шетелдік тыңдаушыларын біріктірді.

Іс-шара шетелдік тыңдаушылардың орыс тіліне деген қызығушылығын арттыруға және тілдік дағдыларын жетілдіруге бағытталды. Қатысушыларға арналған диктантты оқытушы Жаппар Қарлығаш Зиніләбідінқызы жүргізіп, барлық қатысушылар үшін жайлы әрі достық атмосфера қалыптастырды.

Диктанттың жоғары деңгейдегі күрделілігіне қарамастан, қатысушылар жақсы нәтижелер көрсетіп, өздерінің ұқыптылығын, тыңғылықты дайындығын және оқуға деген жауапкершілігін дәлелдеді. Көптеген тыңдаушылар үшін бұл диктант өз білімдерін тексеріп қана қоймай, тілдік тәжірибе жинақтап, академиялық ортаға бейімделудің маңызды кезеңіне айналды.

Осындай іс-шаралар халықаралық білім беру ортасын дамытуға, мәдениетаралық қарым-қатынасты нығайтуға және шетелдік тыңдаушыларды оқыту мен бейімдеу үдерісін қолдауға ықпал етеді.