«Тұран» университеті Құқық жоғары мектебінің профессоры, зерттеуші-ғалым Талғат Құрманұлы Акімжановты құттықтаймыз

«Тұран» университеті Құқық жоғары мектебінің профессоры, зерттеуші-ғалым, заң ғылымдарының докторы Талғат Құрманұлы Акімжановты Қазақстан Республикасы Ғылым және жоғары білім министрлігінің 2024-2026 жылдарға арналған бағдарламалық-нысаналы қаржыландыру байқауында жеңіске жетуімен құттықтаймыз.

Қазақстан Республикасы Ғылым және жоғары білім министрлігінің шешіміне сәйкес оның ғылыми жетекшілігімен авторлар ұжымы дайындаған, ішкі істер органдары жүйесінде есірткі заттарын байланыссыз анықтау, алдын алу және жолын кесу жөніндегі жедел-іздестіру қызметін зерттеуге бағытталған ғылыми жоба үздіктердің бірі деп танылды. Жобаның мақсаты – жедел-іздестіру іс-шараларының тиімділігі мен қауіпсіздігін арттыру, есірткі құралдарының заңсыз айналымымен күрес әдістерін жетілдіру.

Қазіргі уақытта есірткі заттарын тарату мәселесі құқық қорғау органдары саласындағы ең өткір мәселелердің бірі болып табылады. Бұл, әсіресе, қылмыскерлерге тыйым салынған заттарды таратудың жаңа тәсілдерін табуға мүмкіндік беретін технологиялардың қарқынды дамуы жағдайында өте өзекті. Профессор Акімжановтың жетекшілігімен жүргізілетін зерттеу осы қылмыстық әрекеттерге қарсы тұрудың жаңа тәсілдерін әзірлеуге бағытталған. Осы жоба аясында құқық қорғау органдарының аталған саладағы жұмысының тиімділігін айтарлықтай арттыру күтілуде.

Профессор Талғат Құрманұлы жоба жетекшісі ретінде құқықтану және жедел қызмет саласындағы өзінің құзыреттілігін және терең білімін дәлелдеп, оның жұмысын ғылым мен қоғамдық қауіпсіздікке баға жетпес үлес қосты. Байқаудағы жеңіс талант, еңбекқорлық және мақсаткерлік ғылым мен практикадағы зор жетістіктерге жетелейтініне жарқын мысал болып табылады.

Ғылым мен білім – адамзаттың жолын жарықтандыратын жарық, ал профессор Акімжанов бұл жарыққа жарқын әрі маңызды сәуле түсіреді. Болашақта да табысқа жетуін тілейміз!