“Тұран” университетінің докторанттары Германияның Лейпциг университетінде ғылыми тағылымдамадан өтті

2025 жылдың 9 наурыз бен 8 сәуір аралығында “8D03101 – Психология” білім беру бағдарламасының 3 докторанты Лейпциг университетінде (Германия) шетелдік ғылыми тағылымдамадан өтті.

1409 жылы құрылған Leipzig университеті Германия мен Еуропадағы ең көне және беделді жоғары оқу орындарының бірі болып табылады. Лейпциг университеті-150-ден астам ғылыми институттар мен орталықтары бар және 190-ға жуық оқу бағдарламаларын ұсынатын заманауи оқу орны. Leipzig Universitat өзінің әмбебаптығымен танымал, ол жаратылыстану ғылымдарында да, гуманитарлық ғылымдарда да бірдей күшті. Университет QS Халықаралық рейтингінің нұсқасы бойынша әлемнің үздік университеттерінің 527 позициясында. Университет академиялық шеберлік пен инновацияның бай тарихымен мақтана алады, оның түлектері арасында Нобель сыйлығының 9 лауреаты, Гете, Лейбниц, Вагнер, Ницше, Вебер, Ранке, Ангела Меркель және т. б. сияқты көрнекті ғалымдар мен саясаткерлер бар.

Докторанттар Абдраманова Динара Ермаханбетқызы, Ғұмырзақ Ақмарал, ОрдагуловаДиана Исаевнаның шетелдік тағылымдамасы олардың шетелдік ғылыми кеңесшісі, психология ғылымдарының докторы, профессор Алена Ильинична Гарбердің басшылығымен өтті.

Тағылымдама барысында докторанттар докторлық диссертация жазу шеңберінде ғылыми-зерттеу жұмыстарын жүргізді, ғылыми-зерттеу жұмысы бойынша консультациялар алды, жетекші профессорлардың сабақтары мен семинарларына қатысты, ғылыми-әдістемелік семинарларға қатысты, университеттің кітапхана ресурстарымен танысты. Бағдарлама аяқталғаннан кейін докторанттарға шетелдік ғылыми тағылымдамадан өткені туралы сертификаттар табысталды.