«Turan Lingua» ғылыми-зерттеу зертханасы өз сайтын іске қосты

«Туран» университетінің медиа және мәдениетаралық коммуникациялар жоғары мектебі медиалингвистика мәселелерінің «Turan Lingua» ғылыми-зерттеу зертханасының ресми сайтының ашылғанын хабарлайды.

Жаңа интернет-ресурс медиалингвистика, құқықтық лингвистика, сот филологиялық сараптамасы және медиадискурс талдауы саласындағы зертхананың ғылыми, сараптамалық және білім беру қызметін ұсыну үшін жасалған.

Сайтта зертхана қызметінің бағыттары туралы ақпарат; сараптамалық және зерттеу жобалары туралы мәліметтер; қызметкерлер мен серіктестердің ғылыми жарияланымдары; медиалингвистика саласындағы өзекті сұрақтарға жауаптар; филологиялық сараптамалар мен лингвистикалық зерттеулер жүргізуге өтінімдер беру мүмкіндіктері орналастырылған.

Сайтқа кіру және оның материалдарымен танысу үшін мына сілтемені қолданыңыз: https://turan-lingua.kz/