«Тұран» университетінде «Экономика» және «Әлемдік экономика» білім бағдарламалары бойынша Ашық есік күні өтті

«Тұран» университетінің White Hall залында «Экономика» және «Әлемдік экономика» білім беру бағдарламаларына арналған ауқымды Ашық есік күні өтті. Кездесудің басты тақырыбы — «Экономикалық өзгерістердің көшбасшысы бол» ұраны болды.

Іс-шараға Алматы қаласының жоғары сынып оқушылары мен колледж студенттері қатысты. Кездесу барысында қонақтар оқу бағдарламалары, мансаптық перспективалар және жоғары оқу орнының түлектеріне ашылатын бірегей мүмкіндіктер туралы егжей-тегжейлі ақпарат алды.

Бағдарламаның негізгі бөлімі шақырылған сарапшылармен және практик мамандармен өткен пікірталас болды. Іс-шараның спикерлері:

• Шыңғыс Қанапиянов — халықаралық даму және стратегия бойынша сарапшы (International Development and Strategy, ITS);
• Байтаев Айдар Тұрсынұлы — «Baitai Partners» компаниясының Бас директоры;
• Арупов Азат Әкімжанұлы — «IGateway LTD» халықаралық компаниясының маркетинг бөлімінің басшысы.

Спикерлер экономика мен бизнестегі өзекті трендтерді талқылап, кәсіби тәжірибелерімен бөлісті және болашақ талапкерлердің сауалдарына жауап берді.

Іс-шараның түйіні «Әлемді өзгертетін идеялар» олимпиадасы болды. Зияткерлік сайыстың қорытындысы бойынша экономикалық білімнің жоғары деңгейін көрсеткен жеңімпаздар мен жүлдегерлер анықталды.