«Тұран» университетінің Халықаралық қатынастар және дипломатия жоғары мектебі студенттері командасы Қазақстан-Британ техникалық университетінде өткен университет аралық олимпиадада І орын иеленді.

«Тұран» университетінің Халықаралық қатынастар және дипломатия жоғары мектебінің студенттері жоғары академиялық дайындық деңгейін, аналитикалық ойлау қабілетін және ағылшын тілін жетік меңгергендігін көрсете отырып, Қазақстан-Британ техникалық университеті (ҚБТУ) базасында өткен жооаралық олимпиадада І орынды иеленді.                                                                                                                       Олимпиада Уильям Шекспирдің туған күніне орай ұйымдастырылып, «To be sustainable or not to be: the ESG Vision through Shakespeare’s lens» атты тұжырымдамалық тақырып аясында өтті. Іс-шараның тақырыбы классикалық гуманитарлық мұра мен тұрақты даму, әлеуметтік жауапкершілік және корпоративтік басқару (ESG) мәселелері сияқты қазіргі жаһандық сын-қатерлерді ұштастырды. Олимпиаданың негізгі мақсаты – студенттердің тілдік құзыреттілігін, сыни ойлау қабілетін дамыту және заманауи мәселелерді гуманистік идеялар тұрғысынан талдау дағдыларын қалыптастыру болды.          Зияткерлік сайысқа Алматы қаласының 9 жетекші жоғары оқу орнынан командалар қатысты. Олимпиада екі кезеңнен тұрды: жазбаша тур (эссе) және ауызша тур case study форматында өткізіліп, қатысушылар теориялық білімдерімен қатар, өзекті мәселелерді практикалық тұрғыда шешу қабілеттерін көрсетті.

«Тұран» университетінің командасы құрамында:

• Өмірбек Зере
• Ким Александр
• Валеев Әмір

Ерекше атап өтерлік жетістік – Өмірбек Зере бірінші кезең қорытындысы бойынша 27 жұмыс арасынан үздік эссе авторы атанып, арнайы грамотамен марапатталды. Оның жұмысы академиялық жазу деңгейінің жоғарылығымен, ойлау ерекшелігімен және тақырыпты терең түсінуімен ерекшеленді.                                                                                  Екінші кезеңде ВШ МОиД командасы өз көшбасшылығын сенімді түрде дәлелдеп, тұрақты даму және ESG саласындағы кейс бойынша ең негізделген әрі теориялық тұрғыдан дәл шешім ұсынды. Қатысушылар күрделі жаһандық үдерістерді талдап қана қоймай, алған білімдерін практикада тиімді қолдана алатындығын көрсетті.                                                 Команданы дайындауға елеулі үлес қосқан жетекші – Халықаралық қатынастар және дипломатия жоғары мектебінің ассистент-лекторы Сағыныш Әмірбекұлы. Оның кәсіби жетекшілігі мен қолдауының арқасында студенттер өз әлеуетін толық ашып, жоғары нәтижеге қол жеткізді.                                                                                                                 Студенттер заманауи маманға тән негізгі құзыреттерді — сыни ойлау, аналитикалық дағдылар, креативті көзқарас және өзекті халықаралық күн тәртібімен жұмыс істей білу қабілеттерін көрсетті.                                                                                                      «Тұран» университеті студенттерін осы лайықты жеңісімен шын жүректен құттықтайды және олардың дайындалуына үлес қосқан ғылыми жетекшіге алғыс білдіреді. Алдағы уақытта жаңа жетістіктер мен халықаралық деңгейдегі жарқын жеңістер тілейміз!