«Маркетинг пен жарнамада ЖИ қолдану» дөңгелек үстелі

2026 жылдың 03 сәуірінде «Маркетинг және логистика» жоғары мектебі «Маркетинг пен жарнамада жасанды интеллектті қолдану» тақырыбында дөңгелек үстел ұйымдастырды және өткізді.

Спикерлер ретінде бизнес-практиктер, бизнес иелері, компания басшылары, тәжірибелі маркетологтар, ЖИ мамандары және маркетинг бойынша сарапшылар болды. Әсіресе ПОҚ мен білім алушылар үшін бизнес жұлдыздары шақырылды. Олар маркетинг пен жарнамадағы заманауи трендтер, цифрлық технологиялар, атап айтқанда ЖИ, инновациялық әдістер және маркетингтік қызмет тәжірибесінде қолданылатын заманауи құралдар туралы айтты.

Спикерлер жасанды интеллект құралдары мен технологиялары, олардың бизнесте, маркетингте және жарнамада қолдану мүмкіндіктері, ерекшеліктері, артықшылықтары мен ережелері туралы әңгімеледі; олардың функционалдығына салыстырмалы талдау жүргізді; жұмыстың нақты мысалдарын келтірді және генеративті ЖИ қолданудың құнды практикалық тәжірибесімен бөлісті; қызықты, пайдалы, өзекті ақпарат пен лайфхактар ұсынды.

Дөңгелек үстел қатысушылардың қызығушылығы мен оң пікірлерін тудырды. Олар сұрақтар қойып, талқылауға белсенді қатысып, өз пікірлерін білдірді.